കൊവിഡ് വ്യാപാനത്തെ തുടര്ന്നുണ്ടായ ലോക്ക്ഡൗണും തിയേറ്റര് അടച്ചുപൂട്ടലുമടക്കം 2020 മലയാള സിനിമയെ സംബന്ധിച്ച് രാശിയില്ലാതെ പോയ വര്ഷമാണ്. ബിഗ്ബജറ്റ് ചിത്രങ്ങളുടെ റിലീസ് മാറ്റിവെച്ചതും പുറത്തിറങ്ങിയ ചിത്രങ്ങള് വിരലിലെണ്ണാവുന്ന ദിവസങ്ങള് മാത്രം തിയേറ്ററില് പ്രദര്ശിപ്പിച്ചതടക്കം ഒരുപാട് നഷ്ടങ്ങളാണ് 2020 മലയാള സിനിമയ്ക്ക് സമ്മാനിച്ചത്. ഇതോടൊപ്പം തന്നെ സിനിമാരംഗത്തെ പ്രശസ്തരുടെ മരണവും മലയാള സിനിമയെ കാര്യമായി ബാധിച്ചിരുന്നു. മലയാള സിനിമ എക്കാലത്തെയും വലിയ പ്രതിസന്ധി നേരിട്ട 2020ല് സിനിമാലോകത്തോട് വിട പറഞ്ഞവര് ഇവരാണ്.