ഹെന്റമ്മേ, എന്തൊരു ആര്‍ഭാടം! 3 കോടിയുടെ മോതിരമോ? ബോളിവുഡ് സുന്ദരിമാരുടെ വിവാഹമോതിരത്തിന്റെ വില

2021ലായിരുന്നു കത്രീന കൈഫും വിക്കി കൗശലും തമ്മിലുള്ള വിവാഹം. വിവാഹദിനത്തില്‍ സബ്യസാചി ഡിസൈന്‍ ചെയ്ത ചുവന്ന ലെഹങ്കയായിരുന്നു കത്രീന അണിഞ്ഞത്. വിവാഹത്തിന്റെ തലേദിവസം നടന്ന സംഗീത് നൈറ്റില്‍ നാലര ലക്ഷം വില വരുന്ന കേക്കായിരുന്നു താരങ്ങള്‍ മുറിച്ചത്. പുറത്ത് വന്ന റിപ്പോര്‍ട്ടുകള്‍ പ്രകാരം 7.4 ലക്ഷം വില വരുന്ന ഡയമണ്ട് മോതിരമായിരുന്നു വിക്കി കത്രീനയുടെ കൈകകളില്‍ അണിഞ്ഞത്. രാജസ്ഥാനില്‍ മൂന്ന് ദിവസങ്ങളിലായി നടന്ന വിവാഹത്തിന് കോടികളായിരുന്നു താരങ്ങള്‍ ഇരുവരും ചെലവഴിച്ചത്.  

2012ലായിരുന്നു കരീന കപൂറിന്റെ രാജകീയ വിവാഹം. സെയ്ഫ് അലി ഖാന്റെ മുംബൈയിലെ വീട്ടില്‍ വച്ചു നടന്ന വിവാഹത്തിന് അടുത്ത ബന്ധുക്കളും സുഹൃത്തുക്കളും മാത്രമായിരുന്നു പങ്കെടുത്തത്. ഏതാണ്ട 75 ലക്ഷം വില വരുന്ന വിവാഹമോതിരമായിരുന്നു സെയ്ഫ് കരീനയ്ക്ക് നല്‍കിയത്. വിവാഹത്തിന് പരമ്പരാഗതമായി കൈമാറി വന്ന സാരിയായിരുന്നു കത്രീന അണിഞ്ഞത്. സ്വര്‍ണം കൊണ്ട് എബ്രോയ്ഡറി വര്‍ക്ക് ചെയ്ത ദുപ്പട്ടയായിരുന്നു സാരിക്കൊപ്പം താരസുന്ദരി അണിഞ്ഞത്.    

ബോളിവുഡിലെ മറ്റൊരു രാജകീയ വിവാഹമായിരുന്നു പ്രിയങ്ക ചോപ്രയുടെയും നിക് ജൊനാസിന്റെയും. പ്രശസ്ത ഡിസൈനര്‍മാരായ റാല്‍ഫ് ലൗറനും സബ്യസാചിയുമായിരുന്നു താരങ്ങളുടെ വിവാഹ വസ്ത്രങ്ങള്‍ ഡിസൈന്‍ ചെയ്തത്. ഇന്ത്യന്‍ ആചാരപ്രകാരം നടന്ന വിവാഹത്തിന് ചുവപ്പ് ലെഹങ്കയായിരുന്നു പ്രിയങ്ക അണിഞ്ഞത്. കോടികളുടെ വജ്രാഭരണങ്ങളായിരുന്നു വിവാഹ ദിനത്തില്‍ പ്രിയങ്ക അണിഞ്ഞത്. റിപ്പോര്‍ട്ടുകള്‍ പ്രകാരം 2.1 കോടി വില വരുന്നതാണ് പ്രിയങ്ക ചോപ്രയുടെ വിവാഹ മോതിരം.  

ഇറ്റലിയില്‍ വച്ച് 2017ലായിരുന്നു വിരാട് കോലിയും അനുഷ്‌ക ശര്‍മയും വിവാഹിതരായത്. വളരെ സ്വകാര്യമായ നടത്തിയ വിവാഹത്തിന് ചുവപ്പിന് പകരം പേസ്റ്റല്‍ നിറത്തിലുള്ള ലെഹങ്കയായിരുന്നു അനുഷ്‌ക അണിഞ്ഞത്. സബ്യസാചി ഡിസൈന്‍ വസ്ത്രങ്ങളായിരുന്നു ഇരുവരും വിവാഹദിനത്തില്‍ അണിഞ്ഞത്. കോടികള്‍ ചിലവഴിച്ച വിവാഹത്തിന് 1 കോടിയിലധികം വില വരുന്ന മോതിരമായിരുന്നു വിരാട് അനുഷ്‌ക്കയെ അണിയിച്ചത്.  

2022ലായിരുന്നു ആലിയ ഭട്ടും രണ്‍ബീര്‍ കപൂറും തമ്മിലുള്ള വിവാഹം. സബ്യസാചി ഡിസൈന്‍ ചെയ്ത ഐവറി ഓര്‍ഗന്‍സ സാരിയായിരുന്നു വിവാഹ ദിനത്തില്‍ ആലിയ അണിഞ്ഞത്. മിനിമല്‍ മേക്കപ്പില്‍ അതിസുന്ദരിയായി എത്തിയ ആലിയയുടെ വിവാഹചിത്രങ്ങള്‍ നിമിഷ നേരം കൊണ്ട് സോഷ്യല്‍മീഡിയയില്‍ വൈറലാവുകയും ചെയ്തിരുന്നു. കണക്കുകള്‍ പ്രകാരം ഏതാണ്ട് 3 കോടിക്കടുത്താണ് ആലിയ ഭട്ടിന്റെ വിവാഹ മോതിരത്തിന്റെ വില.