ബാലചന്ദ്രമേനോൻ

ജീവചരിത്രം:  നടൻ, സംവിധായകൻ, തിരക്കഥാകൃത്ത് എന്നീ മേഖലകളിൽ കഴിവ് തെളിയിച്ച വ്യക്തിയാണ് ബാലചന്ദ്രമേനോൻ. ശിവശങ്കരപ്പിള്ളയുടെയും ലളിതാദേവിയുടെയും മകനായി 1954 ജനുവരി 11-ന് ആലപ്പുഴ ജില്ലയിലെ അമ്പലപ്പുഴയിലാണ് അദ്ദേഹം ജനിച്ചത്. സ്വയം രചനയും സംവിധാനവും നിർവ്വഹിച്ച് 1998-ൽ പുറത്തിറങ്ങിയ 'സമാന്തരങ്ങൾ' എന്ന ചിത്രത്തിലെ ഇസ്മായിൽ എന്ന കഥാപാത്രത്തിലൂടെ മികച്ച നടനുള്ള ദേശീയപുരസ്കാരം അദ്ദേഹം സ്വന്തമാക്കി. ഫാസിൽ, പത്മരാജൻ എന്നീ സം‌വിധായകരെ പോലെ മേനോനും ഒട്ടനവധി പുതുമുഖ താരങ്ങളെ മലയാള സിനിമക്ക് സമ്മാനിച്ചിട്ടുണ്ട്. ശോഭന, പാർ‍വതി, മണിയൻപിള്ള രാജു, കാർ‍ത്തിക, ആനി, നന്ദിനി എന്നിവർ മേനോന്റെ സിനിമയിലൂടെ ചലച്ചിത്ര രംഗത്തെത്തിയവരാണ്.