ഹരീഷ് കണാരന്‍

ജീവചരിത്രം:  കോഴിക്കോടന്‍ ഭാഷയിലൂടെ മലയാളിപ്രേക്ഷകരുടെ പ്രിയങ്കരനായി മാറിയ ചലച്ചിത്രതാരമാണ് ഹരീഷ് കണാരന്‍. കോഴിക്കോട് ചാലപ്പുറം ഗണപതി ബോയ്‌സ് ഹൈസ്‌ക്കൂളിലായിരുന്നു പഠനം. പഠനത്തിനുശേഷം സിനിമ തിയറ്ററില്‍ പ്രൊജക്ട് ഓപ്പറേറ്ററാകനും ഓഫ്‌സെറ്റ് പ്രിന്റിംഗ് പ്രസില്‍ ചേരാനും ശ്രമം നടത്തി. എന്നാല്‍ അതില്‍ പരാജയപെട്ടു. പിന്നീട് പെയിന്റിംഗ് ചെയ്തും ഓട്ടോ ഓടിച്ചു ജീവിച്ചു. ഇതിനിടയിലും മിമിക്രി രംഗത്ത് സജീവമായിരുന്നു.  അക്കാലത്താണ് മഴവില്‍ മനോരമ ചാനല്‍ അവതരിപ്പിച്ച കോമഡി ഫെസ്റ്റിവലില്‍ പങ്കെടുക്കുന്നത്. ആ പരിപാടിയാണ് ഹരീഷിന്റെ ജീവിതത്തില്‍ വഴിത്തിരിവായത്. 75 വയസ്സുള്ള ജാലിയന്‍ കണാരനായി വേദിയിലെത്തിയ ഹരീഷിന്റെ പ്രകടനം അങ്ങനെ ആ കലാകാരനെ സിനിമയിലേക്കെത്തിച്ചു. അക്കു അക്ബര്‍ സംവിധാനം ചെയ്ത ഉത്സാഹകമ്മിറ്റി എന്ന ചിത്രത്തിലാണ് ആദ്യമായി അഭിനയിച്ചത്. പിന്നീട് നിരവധി ചിത്രങ്ങളില്‍ ഹാസ്യതാരമായി ഹരീഷ് തിളങ്ങി. ജോര്‍ജേട്ടന്‍സ് പൂരം, ടൂ കണ്‍ട്രീസ്, ഒപ്പം, കുഞ്ഞിരാമായണം, സപ്തമശ്രീ തസ്‌ക്കര, അച്ഛാദിന്‍, കിങ്‌ലയര്‍ തുടങ്ങിയ അഭിനയിച്ച ചിത്രങ്ങളില്‍ പ്രധാനപെട്ടവയാണ്.