ജിസ് ജോയ്

ജീവചരിത്രം:  മലയാളചലച്ചിത്ര സംവിധായകനാണ് ജിസ് ജോയ്. 2013ല്‍ പ്രദര്‍ശനത്തിനെത്തിയ ബൈസിക്കിള്‍ തീവ്‌സ് എന്ന ചിത്രമാണ് ആദ്യമായി സംവിധാനം ചെയ്ത ചിത്രം. ആസിഫ് അലി, അപര്‍ണ്ണ ഗോപിനാഥ്, സൈജു കുറുപ്പ്, അജു വര്‍ഗ്ഗീസ് എന്നിവരായിരുന്നു ചിത്രത്തിലെ പ്രധാന അഭിനേതാക്കള്‍. ധാര്‍മിക് ഫിലിംസിന്റെ ബാനറില്‍ ഡോ എസ് സജികുമാറാണ് ചിത്രം നിര്‍മ്മിച്ചത്.  2017ല്‍ ആസിഫ് അലി, അപര്‍ണ്ണ ബാലമുരളി, ശ്രീനിവാസന്‍ എന്നിവരെ കേന്ദ്രകഥാപാത്രങ്ങളാക്കി സണ്‍ഡേ ഹോളിഡേ എന്ന ചിത്രം സംവിധാനം ചെയ്തു. മാഖ്‌ട്രോ പികച്ചേഴ്‌സാണ് ചിത്രം നിര്‍മ്മിച്ചത്. ചിത്രത്തിലെ ഗാനങ്ങള്‍ രചിച്ചതും ജിസ് ജോയ് ആണ്. ദീപക് ദേവ് സംഗീതം നിര്‍വ്വഹിച്ച ചിത്രത്തിലെ ഗാനങ്ങള്‍ പ്രകാശ് ബാബു, ജ്യോത്സന, കാര്‍ത്തിക്, അന്‍വര്‍ സാദത്ത്, അരവിന്ദ് വേണുഗോപാല്‍, അപര്‍ണ്ണ ബാലമുരളി എന്നവിര്‍ ചേര്‍ന്നാണ് ഗാനങ്ങള്‍ ആലപിച്ചത്.  വിജയ് സൂപ്പറും പൗര്‍ണ്ണമിയും എന്ന ചിത്രമാണ് മൂന്നാമതായി സംവിധാനം ചെയ്യുന്ന ചിത്രം. ചിത്രത്തിന്റെ പ്രഖ്യാപനം സംവിധായകന്‍ ലാല്‍ ജോസാണ് നിര്‍വ്വഹിച്ചത്. ആസിഫ് അലി നായകനാവുന്ന ചിത്രത്തില്‍ മംമ്ത മോഹന്‍ദാസാണ് നായിക.