കെ എം മധുസൂദനന്‍

ജീവചരിത്രം:  ചിത്രകാരന്‍, ചലച്ചിത്രസംവിധായകന്‍ എന്നീ നിലകളിലെല്ലാം പ്രശസ്തനാണ് കെ എം മധുസൂധനന്‍.തിരുവനന്തപുരം ഫൈന്‍ ആര്‍ട്‌സ് കോളേജ്, ബറോഡ എന്നിവിടങ്ങളില്‍നിന്നും പഠനം പൂര്‍ത്തിയാക്കി.കെ പി കൃഷ്ണകുമാറിന്റെ നേതൃത്വത്തിലുണ്ടായിരുന്ന റാഡിക്കല്‍ പ്രസ്ഥാനത്തില്‍  സജീവമായിരുന്നു, കൃഷ്ണകുമാറിന്റെ ആത്മഹത്യയോടെ ചിത്രകലയില്‍നിന്ന് സിനിമയിലേക്കു പ്രവേശിച്ചു.അന്തര്‍ദേശീയപുരസ്‌ക്കാരങ്ങള്‍ നേടിയ സെല്‍ഫ് പോര്‍ട്രെയ്റ്റ് മധുസൂദനന്റെ പ്രധാനപെട്ട ഡോക്യമെന്ററികളിലൊന്നാണ്.ബാലാമണിഅമ്മയെക്കുറിച്ചും ഒ വി വിജയനെക്കുറിച്ചുമൊക്കെ ഡോക്യുമെന്ററികള്‍ ചെയ്തിട്ടുണ്ട്.ആദ്യ സിനിമയായ ബയോസ്‌കോപ് മൂന്ന് അന്തര്‍ദേശീയ അവാര്‍ഡുകളും സംസ്ഥാനഅവാര്‍ഡുകളും ദേശീയ അവാര്‍ഡുകളും സ്വന്തമാക്കിയിട്ടുണ്ട്.കൊച്ചി സുസിരിസ് ബിനാലെ 2014ല്‍ ലോജിക് ഓഫ് ഡിസപ്പിയറന്‍സ് എന്ന ചിത്രപരമ്പര ആസ്ഫിന്‍വാള്‍ ഹൗസില്‍ പ്രദര്‍ശിപ്പിച്ചിരുന്നു. ചരിത്രപ്രധാന്യമുള്ള ഒട്ടേറെ സംഭവങ്ങളുടെയും കഥാപാത്രങ്ങളെയും അണിനിരത്തി ചാര്‍ക്കോളില്‍ വരച്ച 90 ചിത്രങ്ങളാണ് പ്രദര്‍ശനത്തിലുണ്ടായിരുന്നത്.