കെ ടി സി അബ്ദുള്ള

ജീവചരിത്രം:  പ്രശസ്ത നാടക-സിനിമ നടനാണ് കെ ടി സി അബ്ദുള്ള.ബൈരായിക്കുളം, ഹിമായത്തുൽ ഇസ്ലാം സ്‌കൂൾ, ഗണപത് ഹൈസ്‌കൂൾ എന്നിവിടങ്ങളിലാണ് പഠനം. നാടകഭ്രമം മൂത്ത് എട്ടാംക്ലാസിൽ പഠനം നിർത്തി കലാരംഗത്ത് സജീവമായി.ആദ്യനാടകത്തിൽ സ്ത്രീവേഷമാണവതരിപ്പിച്ചത്. എ.കെ.പുതിയങ്ങാടിയുടെ 'കണ്ണുകൾക്ക് ഭാഷയുണ്ട്' എന്ന നാടകം മലബാർ നാടകോത്സവത്തിൽ അവതരിപ്പിച്ചപ്പോൾ നടി വരാതിരുന്നതോടെയാണ് അതിൽ പെൺവേഷം അണിയേണ്ടി വന്നത്.    പിന്നീട് പി.എൻ.എം. ആലിക്കോയയുടെ 'വമ്പത്തി നീയാണ് പെണ്ണ്' എന്ന നാടകത്തിലും സ്ത്രീ കഥാപാത്രത്തെ അവതരിപ്പിച്ചു.നാടകങ്ങളിലൂടെ  അഭിനയ രംഗത്തെത്തിയ അബ്ദുള്ള, ആകാശവാണിയുടെ എ ഗ്രേഡ് ആർട്ടിസ്റ്റും ആയിരുന്നു. ഇരുപത്തഞ്ചോളം നാടകങ്ങളിൽ ശ്രദ്ധേയമായ കഥാപാത്രങ്ങളെ അബ്ദുള്ള അവതരിപ്പിച്ചിട്ടുണ്ട്.    1977-ൽ രാമു കാര്യാട്ട് സംവിധാനം ചെയ്ത ദ്വീപ് എന്ന ചിത്രത്തിലൂടെ അഭിനയരംഗത്തെത്തി.തുടര്‍ന്ന് നിരവധി കഥാപാത്രങ്ങള്‍ തേടിയെത്തി.ഏകദേശം 35-ഓളം സിനിമകളിൽ അഭിനയിച്ചിട്ടുണ്ട്.അറബിക്കഥ, ഗദ്ദാമ, സുഡാനി ഫ്രം നൈജീരിയ തുടങ്ങിയവ അഭിനയിച്ച ചിത്രങ്ങളില്‍ പ്രധാനപ്പെട്ടവയാണ്.1959-ലാണ് കെ. അബ്ദുള്ള കെ.ടി.സി. കമ്പനിയിൽ ജോലിയിൽ പ്രവേശിക്കുന്നത്. അതോടെയാണ് കെ.ടി.സി അബ്ദുള്ള എന്ന് പേര് വന്നു. 2018 നവംബര്‍ 18ന് അന്തരിച്ചു.     അവാർഡ് പ്രേംനസീർ അവാർഡ് (മലയാളചലച്ചിത്ര സഹൃദയവേദി)