കിരൺ നാരായണൻ ജീവചരിത്രം

മലയാള ചലച്ചിത്ര സംവിധായകനാണ് കിരൺ നാരായണൻ. ജയരാജ് സംവിധാനം നിര്‍വ്വഹിച്ച് 2011ല്‍ പ്രദര്‍ശനത്തിനെത്തിയ ദി ട്രെയിന്‍, 2012ല്‍ പ്രദര്‍ശനത്തിനെത്തിയ പകര്‍ന്നാട്ടം എന്നീ ചിത്രങ്ങളുടെ സഹസംവിധായകനായിരുന്നു. 2014ല്‍ സെന്‍ട്രല്‍ തീയേറ്റര്‍ എന്ന ചിത്രം സംവിധാനം ചെയ്യ്തുകൊണ്ട് സ്വതന്ത്രസംവിധായകനായി. സസ്‌പെന്‍സ് ത്രില്ലര്‍ ഗണത്തില്‍ പെട്ട ചിത്രത്തില്‍  ഹേമന്ത് മേനോന്‍, അഞ്ജലി അനീഷ് ഉപാസന, സിദ്ധാര്‍ത്ഥ്  ശിവ എന്നിവരായിരുന്നു പ്രധാന അഭിനേതാക്കള്‍. ആ ചിത്രത്തിനുശേഷം 2017ല്‍ നെടുമുടി വേണു, ലാല്‍, വി കെ ശ്രീരാമന്‍, സുനില്‍ സുഖദ എന്നിവരെ കേന്ദ്രകഥാപാത്രങ്ങളാക്കി ഒരു വിശേഷപെട്ട ബിരിയാണിക്കിസ എന്ന ചിത്രം സംവിധാനം ചെയ്തു. കോഴിക്കോട്ടെ ബിരിയാണി നേര്‍ച്ചയും അതിനോടു ബന്ധപെട്ടുള്ള രസകരമായ സംഭവങ്ങളുമാണ് ചിത്രത്തിന്റെ കഥാപശ്ചാത്തലം. ഒരു സാങ്കല്‍പിക ഗ്രാമത്തിന്റെ പശ്ചാത്തലത്തിലാണ് ചിത്രത്തിന്റെ കഥ നടക്കുന്നത്.