കെടിഎസ് പടന്നയില്‍

ജീവചരിത്രം:  മലയാളത്തിലെ പ്രശസ്ത ചലച്ചിത്ര-സീരിയല്‍ താരമാണ് കെ.എടി.എസ് പടന്നയില്‍. നാടകരംഗത്ത് നിന്നുമാണ് സിനിമയിലെത്തുന്നത്. 'വിവാഹ ദല്ലാള്‍' ആണ് അഭിനയിച്ച ആദ്യ നാടകം. 1957ല്‍ 'കേരളപ്പിറവി' എന്ന നാടകം സ്വയം എഴുതി അവതരിപ്പിച്ചു. ചങ്ങനാശ്ശേരി ഗീഥ, കൊല്ലം ട്യൂണ, വൈക്കം മാളവിക, ആറ്റിങ്ങള്‍ പത്മശ്രീ തുടങ്ങി നിരവധി നാടകഗ്രൂപ്പുകളില്‍ പ്രവര്‍ത്തിച്ചിട്ടുണ്ട്.   രാജസേനന്‍ സംവിധാനം ചെയ്ത അനിയന്‍ ബാവ ചേട്ടന്‍ ബാവ എന്ന ചിത്രത്തിലൂടെയാണ് സിനിമയില്‍ സജീവമായി. തുടര്‍ന്ന് നിരവധി ചിത്രങ്ങളില്‍ ചെറുതും വലുതുമായ കഥപാത്രങ്ങളെ അവതരിപ്പിച്ചു. 2021 ജൂലൈ 22ന് അന്തരിച്ചു.