എം എസ് തൃപ്പൂണിത്തുറ

ജീവചരിത്രം:  പ്രശസ്ത മലയാളചലച്ചിത്രനടനാണ് എം.എസ്. തൃപ്പുണിത്തറ. 1942 ല്‍ തൃപ്പുണിത്തറയില്‍ ജനിച്ചു. തമിഴ്ബ്രാഹ്മണനാണ് അദ്ധേഹം. മടത്തിപ്പറമ്പില്‍ ശേഷാനി വെങ്കിട്ടരാമന്‍ അയ്യര്‍ എന്നാണ് യഥാര്‍ത്ഥ പേര്. നാടകങ്ങളിലൂടെയാണ് ചലച്ചിത്രരംഗത്തേക്ക് കടന്നുവന്നത്. മോചനം എന്ന നാടകത്തിലെ അഭിനയത്തിന് മികച്ച നടനുള്ള അവാര്‍ഡ് ലഭിച്ചിട്ടുണ്ട്. കടലമ്മയാണ് ആദ്യ ചിത്രം. 200 ലധികം മലയാളചിത്രങ്ങളില്‍ അദ്ധേഹം അഭിനയിച്ചിട്ടുണ്ട്. അഭിനയത്തിനുപുറമെ എം. എസ് ഒരു കര്‍ണാടിക് സംഗീത വിദഗ്ദനും കൂടിയായിരുന്നു. സംസ്‌കൃതത്തിലും, ജ്യോതിഷത്തിലും അദ്ദേഹത്തിന് കഴിവുണ്ടായിരുന്നു. കൂടാതെ പാചകകലയിലും അദ്ദേഹം വിദഗ്ദനായിരുന്നു. അദ്ദേഹത്തിന്റെ പിതാവ് വീരരാഘവ അയ്യര്‍ കൊച്ചി മഹാരാജാവിന്റെ കാലഘട്ടത്തിലെ രാജകൊട്ടാരത്തിലെ പാചകക്കാരനായിരുന്നു.  ഒരു മിന്നാമിനുങ്ങിന്റ് നുറുങ്ങുവെട്ടം, പെരുന്തച്ചന്‍, ഹിസ് ഹൈനസ് അബ്ദുള്ള, സാന്ത്വനം, ഭരതം, യോദ്ധ എന്നിവ അഭിനയിച്ച ചിത്രങ്ങളില്‍ പ്രധാനപെട്ടതാണ്. 2006 ല്‍ അന്തരിച്ചു.