സലാം ബാപ്പു

ജീവചരിത്രം:  ചലച്ചിത്ര സംവിധായകനാണ് സലാം ബാപ്പു.മലപ്പുറം പൊന്നാന്നിയിലാണ് ജനിച്ചത്. പാലപ്പെട്ടി സ്‌കൂളില്‍ നിന്നും പ്രാഥമിക വിദ്യാഭ്യാസം പൂര്‍ത്തീകരിച്ചു.എംഇസ് പൊന്നാന്നിയിലാണ് കോളേജ് പഠനം പൂര്‍ത്തീകരിച്ചത്.പിന്നീട് ജേര്‍ണലിസത്തില്‍ ഡിപ്ലോമ നേടി. കളിപ്പാട്ടങ്ങള്‍ എന്ന പുസ്തരം പ്രസിദ്ധീകരിച്ചു.ഏഷ്യാനെറ്റില്‍ സ്‌ക്രിപ്റ്റ് റൈറ്റര്‍ ആയി പ്രവര്‍ത്തിച്ചിരുന്നു.നിരവധി രാജ്യങ്ങളില്‍ യാത്രകള്‍ നടത്തി.പിന്നീടാണ് സിനിമയിലേക്ക് പ്രവേശിച്ചത്. മീശമാധവന്‍ എന്ന ചിത്രത്തില്‍ ലാല്‍ ജോസിന്റെ അസിസ്റ്റന്റായി പ്രവര്‍ത്തിച്ചാണ് തുടക്കം.പട്ടാളം, രസികന്‍, ചാന്ത് പൊട്ട് , നീലതാമര എന്നിങ്ങനെ നിരവധി ചിത്രങ്ങളില്‍ അസിസ്റ്റന്റായി പ്രവര്‍ത്തിച്ചു.2013 ല്‍ പുറത്തിറങ്ങിയ റെഡ് വൈന്‍ എന്ന ചിത്രത്തിലൂടെ സ്വതന്ത്രസംവിധായകനായി.2014ല്‍ മമ്മൂട്ടിയെ നായകനാക്കി മംഗ്ലീഷ് എന്ന ചിത്രം സംവിധാനം ചെയ്തു.അച്ഛനുറങ്ങാത്ത വീട്,മുല്ല,കാഞ്ചീപുരത്തെ കല്യാണം,അര്‍ജ്ജുനന്‍ സാക്ഷി,ഡയമണ്ട് നെക് ലേസ്,സ്പാനിഷ് മസാല എന്നീ ചിത്രങ്ങളുടെ അസോസിയേറ്റ് സംവിധായകനായിരുന്നു.2010ല്‍ പുറത്തിറങ്ങിയ ഒരിടത്തൊരു പോസ്റ്റ്മാന്‍,2012ല്‍ പുറത്തിറങ്ങിയ വാദ്ധ്യാര്‍ എന്നീ ചിത്രങ്ങളുടെ ചീഫ് അസോസിയേറ്റ് ഡയറക്ടറായിരുന്നു.