ശശി പരവൂര്‍

ജീവചരിത്രം:  ചലച്ചിത്ര സംവിധായകനും തിരക്കഥാകൃത്തുമാണ്  ശശി പരവൂര്‍. കാറ്റു വന്നുു വിളിച്ചപ്പോള്‍, നോട്ടം, കടാക്ഷം, ക്രോസ്‌റോഡ് എന്നിവയാണ് സംവിധാനം ചെയ്യ്ത ചിത്രങ്ങള്‍. 2001ല്‍ പ്രദര്‍ശനത്തിനെത്തിയ ചിത്രമാണ് 'കാറ്റ് വന്ന് വിളിച്ചപ്പോള്‍'. കൃഷ്ണകുമാര്‍, വിജയരാഘവന്‍, ചിപ്പി എന്നിവരായിരുന്നു ചിത്രത്തിലെ പ്രധാന അഭിനേതാക്കള്‍. നെടുമുടി വേണു, മാര്‍ഗ്ഗി സതി, ജഗതി ശ്രീകുമാര്‍ എന്നിവരായിരുന്നു 2006ല്‍ പ്രദര്‍ശനത്തിനെത്തിയ നോട്ടം എന്ന ചിത്രത്തിലെ പ്രധാന അഭിനേതാക്കള്‍.2017ല്‍ പ്രദര്‍ശനത്തിനെത്തിയ 'ക്രോസ്‌റോഡ്' ആണ് ഒടുവിലായി സംവിധാനം ചെയ്യ്ത ചിത്രം. പത്തു സംവിധായകര്‍ പത്തു ചിത്രങ്ങളിലൂടെ വ്യത്യസ്തരായ പത്തു സ്ത്രീകളുടെ ജീവിതകഥ പറയുന്ന ചിത്രമാണ് ക്രോസ്‌റോഡ്. ഫോറം ഫോര്‍ ബെറ്റര്‍ ഫിലിംസ് ആണ് ചിത്രം നിര്‍മ്മിച്ചിരിക്കുന്നത്. മംമ്തമോഹന്‍ദാസ്, ഇഷ തെല്‍വാര്‍, പദ്മപ്രിയ, മൈഥിലി, പ്രിയങ്ക നായര്‍, ശ്രിന്ദ, പുന്നശ്ശേരി കാഞ്ചന, റിച്ച പനായ് ,മാനസ, അഞ്ജന ചന്ദ്രന്‍, എന്നിവരാണ് ചിത്രത്തിലെ പ്രധാന അഭിനേതാക്കള്‍. സമ്പന്നതയുടെ നടുവിലും വേണ്ടപെട്ടവര്‍ നഷ്ടപെട്ടുപോയ സ്ത്രീയുടെ കഥ പറഞ്ഞ ഏകാന്തത എന്ന ചിത്രമാണ് ക്രോസ്‌റോഡില്‍  സംവിധാനം ചെയ്യ്ത ചിത്രം.