ധടക്

ജാന്‍വി കപൂര്‍, ഇഷാന്‍ ഖട്ടര്‍ എന്നിവര്‍ പ്രധാന കഥാപാത്രങ്ങളാക്കി ശശാങ്ക് ഖൈത്താന്‍ സംവിധാനം ചെയ്ച ബോളിവുഡ് ചിത്രമാണ് ധടക്. പ്രശസ്ത അഭിനേത്രി ശ്രീദേവിയുടെ മകള്‍ ജാന്‍വി അഭിനയിക്കുന്ന അദ്യ ചിത്രമാണിത്. കൂടാതെ ഷാഹിദ് കപൂറിന്റെ സഹോദരന്‍ ഇഷാന്‍ ഖട്ടര്‍ ഹിന്ദി ചലച്ചിത്രരംഗത്തേക്ക് അരങ്ങേറ്റം കുറിക്കുന്ന ചിത്രം കൂടിയാണിത്. ചിത്രത്തിന്റെ ഷൂട്ടിങ്ങ് നടക്കുന്നതിനിടയിലാണ് അപ്രതീക്ഷിതമായി ശ്രീദേവ് മരണപെടുന്നത്.രാജസ്ഥാനിലെ ജാതീയ സമൂഹത്തിന്റെ പശ്ചാത്തലത്തിലാണ് ചിത്രം കഥ പറയുന്നത്. താഴ്ന്ന ജാതിക്കാരനായ മാധൂറിനെ പ്രണയിക്കുന്ന പാര്‍ത്ഥവി, ഇരുവരുടെയും പ്രണയത്തെ കുടുംബം എതിര്‍ക്കുന്നു തുടര്‍ന്ന് നടക്കുന്ന സംഭവങ്ങളിലൂടെയാണ് ചിത്രം മുന്നോട്ടു പോവുന്നത്. സൈറത്ത് എന്ന മറാത്തി സിനിമയെ അസപദമാക്കിയാണ് ചിത്രം ഒരുക്കിയിരിക്കുന്നത്.അമിതാഭ് ഭട്ടാചാര്യയുടെ വരികള്‍ക്ക് അജയ് - അതുല്‍ എന്നിവര്‍ ചേര്‍ന്നാണ് സംഗീതം നല്‍കിയിരിക്കുന്നത്.കരണ്‍ ജോഹറും സീ സ്റ്റുഡിയോസും ചേര്‍ന്നാണ് ചിത്രം നിര്‍മിക്കുന്നത്.