വിചിത്രം

പേരുപോലെ തന്നെയാണ് സിനിമയുടെ കഥാ​ഗതിയും. വിചിത്രങ്ങളായ സംഭവവികാസങ്ങളാണ് ചിത്രത്തെ മുന്നോട്ടുനയിക്കുന്നത്.

ട്വിസ്റ്റിനുവേണ്ടിയുള്ള ട്വിസ്റ്റുകള്‍ ഇല്ല എന്നതാണ് ഈ മിസ്റ്ററി ത്രില്ലറിനെ ശ്രദ്ധേയമാക്കുന്നത്. അതേസമയം വേറിട്ട ഒരു അനുഭവം സമ്മാനിക്കുകയും ചെയ്യുന്നു വിചിത്രം. ആദ്യചിത്രം കൊണ്ടുതന്നെ സിനിമാപ്രേമികളുടെ ശ്രദ്ധ പിടിക്കുന്നുണ്ട് സംവിധായകന്‍ അച്ചു വിജയന്‍.

വ്യത്യസ്ത രീതിയിൽ ഉള്ള അവതരണം തന്നെ ആണ് ചിത്രത്തെ പ്രേക്ഷകരിലേക്ക് അടുപ്പിക്കുന്നത്. തുടക്കത്തിൽ തന്നെ എന്താണ് സിനിമ എന്ന് സൂചന തരാതെ പശ്ചാത്തല സംഗീതം കൊണ്ടും ആഴത്തിൽ ഉള്ള അർത്ഥങ്ങൾ പകരുന്ന ദൃശ്യങ്ങൾ കൊണ്ടും പ്രേക്ഷകരെ പിടിച്ചിരുത്തുകയാണ് വിചിത്രം.