ആലപ്പി അഷ്‌റഫ്

ജീവചരിത്രം:  മലയാളത്തിലെ പ്രശസ്ത ചലച്ചിത്ര സംവിധായകനാണ് ആലപ്പി അഷ്‌റഫ്. മിമിക്രി ആർട്ടിസ്റ്റ് എന്ന നിലയിൽ കലാജീവിതം ആരംഭിച്ച അദ്ദേഹം പിന്നീട് ഒരു ഡബ്ബിംഗ് ആർട്ടിസ്റ്റായും തിളങ്ങിയിരുന്നു. പ്രശസ്ത നടനായിരുന്ന ജയനു വേണ്ടി അദ്ദേഹത്തിന്റെ ഡബ്ബിംഗ് പൂർത്തിയാക്കാത്ത അവസാനത്തെ ഏതാനും ചിത്രങ്ങളിൽ (മനുഷ്യമൃഗം, കോളിളക്കം, അറിയപ്പെടാത്ത രഹസ്യം, ആക്രമണം തുടങ്ങിയവ) ശബ്ദം നൽകിയത് ആലപ്പി അഷ്റഫ് ആയിരുന്നു. അതുപോലെതന്നെ അലാവുദ്ദീനും അത്ഭുതവിളക്കും, ഗർജ്ജനം എന്നീ ചിത്രങ്ങളിൽ രജനീകാന്തിനുവേണ്ടിയും ശബ്ദം നൽകിയിരുന്നു. ഒരു മാടപ്പിറാവിന്റെ കഥ, വനിതാ പോലീസ്, മുഖ്യമന്ത്രി, പാര, നിന്നിഷ്ടം എന്നിഷ്ടം, കൊട്ടും കുരവയും, മിണ്ടാപ്പൂച്ചയ്ക്ക് കല്യാണം, നീല കുയില്‍ തുടങ്ങി 12 ഓളം ചിത്രങ്ങള്‍ സംവിധാനം ചെയ്തിട്ടുണ്ട്.