ജിജു അശോകന്‍

ജീവചരിത്രം:  ചലച്ചിത്ര സംവിധായകന്‍, തിരക്കഥാകൃത്ത് എന്നീ നിലകളില്‍ പ്രശസ്തനാണ് ജിജു അശോകന്‍. 2012ല്‍ പ്രദര്‍ശനത്തിനെത്തിയ 'ലാസ്റ്റ് ബെഞ്ച്' ആണ് ആദ്യമായി സംവിധാനം ചെയ്യ്ത ചിത്രം. പത്താംക്ലാസ്സിലെ ലാസ്റ്റ് ബെഞ്ചില്‍ ഒരുമിച്ച് പഠിച്ച നാലു സുഹൃത്തുക്കളുടെ സൗഹൃദത്തിന്റെ കഥയാണ് ചിത്രം അവതരിപ്പിച്ചത്. വിജീഷ് വിജയന്‍, ബിയോണ്‍ ജെമിനി, മുസ്തഫ, വിജയന്‍ കാരന്തൂര്‍ എന്നിവരാണ് ചിത്രത്തിലെ പ്രധാന അഭിനേതാക്കള്‍. ഈ ചിത്രത്തിനുശേഷം വിനയ് ഫോര്‍ട്ട്, ചെമ്പന്‍ വിനോദ് ജോസ്, അജു വര്‍ഗീസ്, കലാഭവന്‍ ഷാജോണ്‍ എന്നിവരെ കേന്ദ്രകഥാപാത്രങ്ങളാക്കി 'ഉറുമ്പുകള്‍ ഉറങ്ങാറില്ല' എന്ന ചിത്രം സംവിധാനം ചെയ്യ്തു.2015ല്‍ പുറത്തിറങ്ങിയ ചിത്രം വ്യത്യസ്ത സ്വഭാവമുള്ളവരുടെ അഞ്ചു കള്ളന്മാരുടെ കഥയാണ് അവതരിപ്പിച്ചത്. പ്രേക്ഷകരുടെ ഭാഗത്തുനിന്നും മികച്ച പ്രതികരണമാണ് ചിത്രത്തിനു ലഭിച്ചത്. ഈ ചിത്രത്തിനുശേഷം 2018ല്‍ 'പ്രേമസൂത്രം' എന്ന ചിത്രം സംവിധാനം ചെയ്തു.അശോകന്‍ ചെരുവലിന്റെ ചെറുകഥയെ അടിസ്ഥാനമാക്കിയാണ് ചിത്രം നിര്‍മ്മിച്ചത്. പ്രണയിക്കുന്നവര്‍ക്കൊരു പാഠപുസ്തകം എന്ന ടാഗ് ലൈനോടുകൂടിയാണ് ചിത്രം പ്രദര്‍ശനത്തിനെത്തിയത്. ചെമ്പന്‍ വിനോദ്, വിഷ്ണു ഗോവിന്ദന്‍, ധര്‍മ്മജന്‍, സുധീര്‍ കരമന, ബാലു വര്‍ഗീസ് തുടങ്ങിയവരാണ് ചിത്രത്തിലെ  അഭിനേതാക്കള്‍. പ്രണയഗുരവായ വി.കെ.പി യുടെയും അയാളുടെ ശിഷ്യനായ പ്രകാശന്റെയും ജീവിതത്തിലൂടെയാണ് ചിത്രം മുന്നോട്ടു പോവുന്നത്. കമലം ഫിലിംസിന്റെ ബാനറില്‍ ടി. ബി രഘുനാഥനാണ് ചിത്രം നിര്‍മ്മിച്ചത്.2008ല്‍ പ്രദര്‍ശനത്തിനെത്തിയ ഒരിടത്തൊരു പുഴയുണ്ട്, ഷേക്‌സ്പിയര്‍ എം എ മലയാളം എന്നിവയാണ് തിരക്കഥ രചിച്ച ചിത്രങ്ങള്‍.