കെ ആര്‍ വിജയ

ജീവചരിത്രം:  പ്രശസ്ത ചലച്ചിത്ര നടിയാണ് കെ ആര്‍ വിജയ.മലയാളം, തമിഴ്, തെലുങ്ക് എന്നീ ഭാഷകളിലായി നിരവധി ചിത്രങ്ങളില്‍ അഭിനയിച്ചിട്ടുണ്ട്.1938 നവംബർ 30-ന് തൃശ്ശൂരിൽ ജനിച്ചു. ബാല്യകാലം മുഴുവനും പുണ്യനഗരമായ പളനിയിലാണ് ചെലവഴിച്ചത്. വിജയയുടെ പിതാവ് കേരളത്തിൽ നിന്നുള്ള വ്യക്തിയായിരുന്നു.എം.കെ. രാധയുടെ നാടകട്രൂപ്പിലെ ഒരു നടനായിരുന്ന അദ്ദേഹത്തിഹം സ്വന്തം മകൾ ഒരു വലിയ നടിയായിതീരണം എന്ന് ആഗ്രഹിച്ചിരുന്നു. 1963-ൽ കെ.എസ്. ഗോപാലകൃഷ്ണന്റെ കർപ്പകം എന്ന തമിഴ് സിനീമയിൽ അഭിനയിച്ചു കൊണ്ടാണ് കെ.ആർ. വിജയയുടെ സിനീമ ജീവിതം ആരംഭിച്ചത്. ഇദ്ദേഹത്തിന്റെ തന്നെ നദിയിൽ മുത്തു എന്ന ഫിലിമിൽ അഭിനയിച്ചുകൊണ്ട് നൂറാമത്തെ ഫിലിമും പൂർത്തിയാക്കി. എല്ലാ തെക്കേ ഇന്ത്യൻ ഭാഷകളിലുമായി ഏതണ്ടു 400-ഓളം ചിത്രങ്ങളിൽ വിജയ അഭിനയിച്ചിട്ടുണ്ട്. തമിഴിലും, മലയാളതിലും, തെലുങ്കിലുമായി 100 വിതം ചിത്രങ്ങളിൽ അഭിനയിച്ചു. ഹിന്ദിയിലും ഊഞ്ചേ ലോഗ് എന്ന പടത്തിൽ അഭിനയിച്ചിട്ടുണ്ട്. ഹിന്ദിയിൽ അവരുടെ കൂടെ അഭിനയിച്ചത് രജ്കുമാറും, ഫെറോസ് ഖാനുമായിരുന്നു. നിരവധി കന്നടചിത്രത്തിലും  അഭിനയിച്ചിട്ടുണ്ട്.കർപ്പകം, ശെൽവം, അനാർക്കലി, നെഞ്ചിരിക്കും വരെ,ഇദയകമലം,നമ്മ വീട്ടു തെയ്‌വം എന്നിവ അഭിനയിച്ച ചിത്രങ്ങളില്‍ പ്രധാനപ്പെട്ടവയാണ്‌.