മുരുകന്‍ കാട്ടാക്കട

ജീവചരിത്രം:  മലയാളത്തിലെ പ്രശസ്ത കവിയും ഗാനരചയിതാവുമാണ്‌ മുരുകന്‍ കാട്ടാക്കട.തിരുവനന്തപുരം ജില്ലയിലെ കാട്ടാക്കടയിൽ കുച്ചപ്പുറം എന്ന ഗ്രാമത്തിൽ ബി. രാമൻ പിള്ളയുടേയും ജി. കാർത്യായനിയുടേയും മകനായി ജനിച്ചു. കണ്ണട എന്ന കവിതയിലൂടെ ശ്രദ്ധേയനായി. ദീർഘകാലം തിരുവനന്തപുരം എസ് എം വി ഹയർ സെക്കണ്ടറി സ്കൂളിൽ അധ്യാപകനായിരുന്നു. ദൂരദർശൻ ചാനലിൽ എല്ലാരും ചൊല്ലണ് എന്ന പരിപാടിയുടെ അവതാരകനായും പ്രവർത്തിച്ചു.ഒരു നാള്‍ വരും, പറയാന്‍ മറന്നത്,ഭഗവാന്‍,ചട്ടമ്പിനാട്,രതിനിര്‍വേദം തുടങ്ങിയവയാണ് ഗാനരചന നടത്തിയ ചിത്രങ്ങള്‍.