നീരജ് മാധവ്

യുവചലച്ചിത്രതാരവും ഡാന്‍സറുമാണ് നീരജ് മാധവ്. ഡോ കെ മാധവന്റെയും ലതയുടെയും മൂത്ത മകനായി 1990 മാര്‍ച്ച് 26ന്  കണ്ണൂരില്‍ ജനിച്ചു. കോഴിക്കോടുള്ള സെന്റ് ജോസഫ്‌സ് ബോയ്‌സ് ഹയര്‍ സെക്കന്ററി സ്‌കൂളില്‍ നിന്ന് പ്രെെപമറി വിദ്യഭ്യാസം പൂര്‍ത്തിയാക്കിയതിനു ശേഷം ഉപരിപഠനത്തിനായി ചെന്നൈയിലുള്ള എസ് ആര്‍ എം യൂണിവേഴ്‌സിറ്റിയില്‍ ചേര്‍ന്നു, തുടര്‍ന്ന് തൃശ്ശൂരുള്ള സ്‌കൂള്‍ ഓഫ് ഡ്രാമയില്‍ നിന്ന് തീയറ്റര്‍ ആക്റ്റിങ്ങില്‍ പോസ്റ്റ് ഗ്രാജുവേഷന്‍ കരസ്ഥമാക്കി. 2013ല്‍ പുറത്തിറങ്ങിയ ബഡി ആണ്  ആദ്യ ചിത്രം. ദൃശ്യം എന്ന സുപ്പര്‍ ഹിറ്റ് ചിത്രത്തില്‍ മോഹന്‍ലാലിനൊപ്പം ഒരു പ്രധാന കഥാപാത്രത്തെ നീരജ് അവതരിപ്പിച്ചിരുന്നു. മെമ്മറീസ്, ഒരു ഇന്ത്യന്‍ പ്രണയകഥ, 1983, അപ്പോത്തിക്കരി, സപ്തമശ്രീ തസ്‌ക്കരാ, ഒരു വടക്കന്‍ സെല്‍ഫി, ലവകുശ, ഹോംലീ മീല്‍സ്, മറിയംമുക്ക്, മധുര നാരങ്ങ, കെ എല്‍ 10 പത്ത്, ജമ്‌നാപ്യാരി, കുഞ്ഞിരാമായണം, ചാര്‍ലി, അടി കപ്യാരെ കൂട്ടമണി, പൈപ്പിന്‍ ചുവട്ടിലെ പ്രണയം എന്നിവ അഭിനയിച്ച ചിത്രങ്ങളില്‍ പ്രധാനപെട്ടവയാണ്.