സനല്‍ അമന്‍

ജീവചരിത്രം:  ചലച്ചിത്ര നടനാണ് സനല്‍ അമന്‍. 2021ല്‍ പുറത്തിറങ്ങിയ മാലിക് എന്ന ചിത്രത്തിലൂടെയാണ് സനല്‍ ശ്രദ്ധിക്കപ്പെടുന്നത്. നാടകരംഗത്ത് നിന്നുമാണ് ചലച്ചിത്ര മേഖലയിലേക്ക് എത്തുന്നത്. 2016ല്‍ 'ദ് ലവര്‍' എന്ന നാടകം സംവിധാനം ചെയ്തു അഭിനയിച്ചു. ശാന്തി ബാലകൃഷ്ണനായിരുന്നു നാടകത്തില്‍ നായികയായി എത്തിയത്. ഈ നാടകം കാണാനിടയായ സംവിധായകന്‍ മഹേഷ് നാരായണന്‍ മാലിക്ക് എന്ന ചിത്രത്തിലേക്ക് ക്ഷണിക്കുകയായിരുന്നു. ചിത്രത്തില്‍ ഫ്രെഡി എന്ന കഥാപാത്രത്തെയാണ് സനല്‍ അവതരിപ്പിച്ചത്.