സിധില്‍ സുബ്രഹ്മണ്യന്‍

ജീവചരിത്രം:  ചലച്ചിത്ര സംവിധായകനാണ് സിധില്‍ സുബ്രഹ്മണ്യന്‍. ചെങ്ങഴി നമ്പ്യാര്‍, ബാക് ടു ലൈഫ് എന്നിവയാണ് സംവിധാനം ചെയ്യ്ത ചിത്രങ്ങള്‍. വീറും വാശിയുമുള്ള 101 ചാവേര്‍പ്പോരാളികളുടെ കഥ പറയുന്ന ചെങ്ങഴി നമ്പ്യാരില്‍ ടൊവിനോ തോമസാണ് നായകന്‍. പുതുമന പണിക്കര്‍ എന്ന ശ്രദ്ധേയമായ ഒരു കഥാപാത്രത്തെയാണ് ചിത്രത്തില്‍ ടൊവിനോ തോമസ് അവതരിപ്പിക്കുന്നത്. മാമാങ്കത്തിന്റെ കഥയാണ് ചിത്രം അവതരിപ്പിക്കുന്നത്. മലയാളത്തിന് പുറമെ ഇംഗ്ലീഷ് തമിഴ്, തെലുങ്ക്, ഹിന്ദി ഭാഷകളിലാണ് ചിത്രം പ്രദര്‍ശനത്തിനെത്തുന്നത്.  101 ചോദ്യങ്ങള്‍ എന്ന ചിത്രത്തിലൂടെ ദേശീയ പുരസ്‌ക്കാരം നേടിയ മാസ്റ്റര്‍ മിനണ്‍ ആണ് ബാക് ടു ലൈഫ് എന്ന ചിത്രത്തില്‍ പ്രധാന കഥാപാത്രത്തെ അവതരിപ്പിക്കുന്നത്. രണ്ടു വ്യത്യസ്ത ഗെറ്റപ്പുകളിലാണ് ചിത്രത്തില്‍ മിനണ്‍ എത്തുന്നത്. ഒരു മെക്‌സിക്കന്‍ അപാരത സംവിധാനം ചെയ്ത ടോം ഇമ്മട്ടിയാണ് ചിത്രത്തില്‍ വില്ലന്‍ കഥാപാത്രത്തെ അവതരിപ്പിക്കുന്നത്. പ്രകൃതി സംരണം, ലോകാവസാനം എന്നിവയാണ് ചിത്രത്തിന്റെ പ്രമേയം.