വിധു വിന്‍സെന്റ്

ജീവചരിത്രം:  മലയാള ചലച്ചിത്ര സംവിധായകയും മാധ്യമപ്രവര്‍ത്തയുമാണ് വിധു വിന്‍സെന്റ്. 1975 സെപ്തംബര്‍ 23ന് കൊല്ലം ജില്ലയില്‍ ജനിച്ചു. വിമലഹൃദയം സ്‌ക്കൂളില്‍ പ്രാഥമിക വിദ്യാഭ്യാസം പൂര്‍ത്തിയാക്കി. തിരുവനന്തപുരത്ത് നിന്ന് ബിരുദം കരസ്ഥമാക്കിയതിനൊപ്പം ഐ എ എസ് നും പരിശീലിച്ചിരുന്നു. സി ഡിറ്റില്‍നിന്ന് പോസ്റ്റ്ഗ്രാജുവേറ്റ് ഡിപ്ലോമ ഇന്‍ സയന്‍സസ് ആന്‍ഡ് ഡവലമെന്റ് കമ്മ്യൂണിക്കേഷന്‍ ചെയ്തു. ഏഷ്യാനെറ്റ് ന്യൂസിലും മീഡിയാവണ്‍ ടിവിയിലും മാധ്യമപ്രവര്‍ത്തകയായിരുന്നു. ദ കാസ്റ്റ് ഓഫ് ക്ലിന്‍ലിനെസ് എന്ന പേരില്‍ 2014ല്‍ അവതരിപ്പിച്ച ഡോക്യുമെന്ററിയുടെ തുടര്‍ച്ചയായി സംവിധാനം ചെയ്ത മാന്‍ഹോള്‍ നിരവധി പുരസ്‌ക്കാരങ്ങള്‍ക്ക് അര്‍ഹമായി. 2016ല്‍ കേരള രാജ്യാന്തര ചലച്ചിത്രമേളയില്‍ മലയാളം സിനിമയ്ക്കുള്ള ഫിപ്രസി അവാര്‍ഡും മികച്ച നവാഗതസംവിധായികയ്ക്കുള്ള രജത ചകോരവും നേടി. മലയാളചലച്ചിത്രസംവിധാനത്തിന് സംസ്ഥാന പുരസ്‌ക്കാരം നേടുന്ന ആദ്യ വനിതയാണ് വിധു വിന്‍സെന്റ്.