ഋ

ഷേക്‌സ്പിയറിന്റെ ഒഥല്ലോയെ ആസ്പദമാക്കി ഫാ.വര്‍ഗീസ് ലാല്‍ സംവിധാനം ചെയ്ത ചിത്രമാണ് ഋ. ഒരു വൈദികന്‍ സംവിധാനം ചെയ്യുന്ന ആദ്യ മലയാള സിനിമ എന്ന പ്രത്യേകത കൂടി ചിത്രത്തിനുണ്ട്. രഞ്ജി പണിക്കര്‍, രാജീവ് രാജൻ, നയന എൽസ, ഡെയിന്‍ ഡേവിസ്, അഞ്ജലി നായര്‍ എന്നിവരാണ് ചിത്രത്തിലെ പ്രധാന താരങ്ങള്‍. ക്യാപംസ് പശ്ചാത്തലത്തില്‍ ഒരുക്കിയ ചിത്രം പ്രണയത്തോടൊപ്പം വര്‍ണ രാഷ്ട്രീയവും മുഖ്യ പ്രമേയമാക്കുന്നുണ്ട്. എം.ജി യൂണിവേഴ്‌സിറ്റി സ്‌ക്കൂള്‍ ഓഫ് ലെറ്റ്‌ഴ്‌സ് അധ്യാപകന്‍ ഡോ. ജോസ് കെ മാനുവലിന്റെതാണ് തിരക്കഥ. സൂരജ് എസ് കുറുപ്പാണ് സംഗീത സംവിധായകന്‍. നടനും സംവിധായകനുമായ സിദ്ധാര്‍ത്ഥ് ശിവയാണ് ഛായാഗ്രഹണം. സിദ്ധാര്‍ത്ഥ് ആദ്യമായി ഛായാഗ്രഹണം നിര്‍വ്വഹിക്കുന്ന ചിത്രം കൂടിയാണിത്.  മഹാത്മാഗാന്ധി സര്‍വ്വകലാശാലയിലായിരുന്നു സിനിമയുടെ പ്രധാന ലൊക്കേഷന്‍.