അരുണ്‍ രാജ്‌

02 Oct, 1984 |

Music Director

ജീവചരിത്രം

ഒരു പഴയ ബോംബ് കഥയിലെ മൂവാണ്ടന്‍ മഞ്ചോട്ടില്‍... എന്നു തുടങ്ങുന്ന ഒരൊറ്റ ഗാനം മതി അരുണ്‍ രാജ് എന്ന സംഗീത സംവിധായകന്റെ കഴിവ് മനസ്സിലാക്കാന്‍. റിയാലിറ്റി ഷോയില്‍ നിന്നും സിനിമയിലേക്ക് വന്ന അരുണ്‍ ചുരുങ്ങിയ കാലം കൊണ്ട് നിരവധി ചിത്രങ്ങള്‍ക്ക് സംഗീതം നല്‍കി കഴിഞ്ഞു. വിനോദ് വിക്രമന്‍-ഷൈജു തമ്പാന്‍ എന്നിവരുടെ കൂട്ടുകെട്ടില്‍ 2013ല്‍ പുറത്തിറങ്ങിയ 'കോള്‍ഡ് സ്‌റ്റോറേജ്' എന്ന ചിത്രത്തിലൂടെയാണ് സംഗീത സംവിധായകനായി അരങ്ങേറ്റം കുറിക്കുന്നത്. ഈ ചിത്രത്തിനുശേഷം 2017ല്‍ പുറത്തിറങ്ങിയ 'ഗാന്ധിനഗറില്‍ ഉണ്ണിയാര്‍ച്ച' എന്ന ചിത്രത്തിനു സംഗീതം നിര്‍വ്വഹിച്ചു. ഷാഫിയുടെ സംവിധാനത്തില്‍ 2018ല്‍ പുറത്തിറങ്ങിയ 'ഒരു പഴയ ബോംബ് കഥ' എന്ന ചിത്രത്തിലൂടെയാണ് ചലച്ചിത്രരംഗത്ത് ശ്രദ്ധിക്കപ്പെടുന്നത്. ചിത്രത്തില്‍ ഈണമിട്ട എല്ലാ ഗാനങ്ങള്‍ക്കും മികച്ച പ്രതികരണമായിരുന്നു പ്രേക്ഷകരുടെ ഭാഗത്തുനിന്നും ലഭിച്ചത്.നിങ്ങള്‍ ക്യമാറ നിരീക്ഷണത്തിലാണ്,ആന്‍ ഇന്റര്‍നാഷണല്‍ ലോക്കല്‍ സ്‌റ്റോറി, ചില്‍ഡ്രന്‍സ് പാര്‍ക്ക്,പയ്ക്കുട്ടി തുടങ്ങിയവ സംഗീതം നിര്‍വ്വഹിച്ച ചിത്രങ്ങളില്‍ പ്രധാനപ്പെട്ടവയാണ്.