ബാബു നാരായണന്‍

ജീവചരിത്രം:  മലയാള ചലച്ചിത്ര സംവിധായകനാണ്‌ ബാബു നാരായണന്‍.പ്രശസ്ത സംവിധായകന്‍ ഹരിഹരന്റെ സഹായായി ചലച്ചിത്ര ജീവിതം ആരംഭിച്ചു.മമ്മൂട്ടിയെ നായകനാക്കി ഹരിഹരന്‍ സംവിധാനം ചെയ്ത കേരളവര്‍മ പഴശ്ശിരാജയുടെ അസോസിയേറ്റ് സംവിധായകനായി പ്രവര്‍ത്തിച്ചിട്ടുണ്ട്.അക്കാലത്ത് പി ആര്‍ എസ് ബാബു എന്ന പേരിലായിരുന്നു അറിയപ്പെട്ടിരുന്നത്.1989ല്‍ അനഘ എന്ന ചിത്രം സംവിധാനം ചെയ്തുകൊണ്ട് സ്വതന്ത്രസംവിധായകനായി. പിന്നീട് പുരുഷന്‍ കടലുണ്ടിയുടെ കഥയില്‍ പൊന്നരഞ്ഞാണം എന്ന ചിത്രം സംവിധാനം ചെയ്തു.ആ സമയത്താണ് സംവിധായകന്‍ അനിലിന്റെ പോസ്റ്റ് ബോക്‌സ് നമ്പര്‍ 27 എന്ന ചിത്രത്തില്‍ അസോസിയേറ്റാവുന്നത്.ആ പരിചയം സൗഹൃദമായി വളരുകയും അവര്‍ സംവിധാന ജോഡികളായി മാറുകയും ചെയ്തു. വെല്‍കം ടു കൊടൈക്കനാല്‍,ഇഞ്ചക്കാടന്‍ മത്തായി ആന്റ് സണ്‍സ്, അച്ഛന്‍ കൊമ്പത്ത് അമ്മ വരമ്പത്ത്.അരമനവീടും അഞ്ഞൂറേക്കറും,രഥോത്സവം, കളിയൂഞ്ഞാല്‍, മയില്‍പ്പീലിക്കാവ്, പട്ടാഭിഷേകം തുടങ്ങിയ നിവധി ചിത്രങ്ങള്‍ പിന്നീട് ഈ കൂട്ടുകെട്ടില്‍ പിറന്നു.2004ല്‍ പുറത്തിറങ്ങിയ പറയാം ആയിരുന്നു ഈ കൂട്ടുകെട്ടിലെ അവസാന ചിത്രം.2014ല്‍ പുറത്തിറങ്ങിയ നൂറ വിത്ത് ലൗ ആണ് അവസാനമായി സംവിധാനം ചെയ്ത ചിത്രം.