ജിജോ ആന്റണി

ജീവചരിത്രം:  പ്രശസ്ത മലയാളചലച്ചിത്രസംവിധായകനാണ് ജിജോ ആന്റണി. സഹസംവിധായകനായി ചലച്ചിത്രരംഗത്തേക്കു കടന്നുവന്ന ജിജോ മായാ ബസാര്‍, ഡാഡി കൂള്‍, മലര്‍വാടി ആര്‍ട്‌സ് ക്ലബ്, സോള്‍ട്ട് ആന്റ് പെപ്പര്‍, പദ്മശ്രീ ഭരത് ഡോക്ടര്‍ സരോജ്കുമാര്‍, 5 സുന്ദരികള്‍ എന്നീ ചിത്രങ്ങളില്‍ പ്രവര്‍ത്തിച്ചിട്ടുണ്ട്. 2014ല്‍  ജിജോ ആന്റണി, അമല്‍ എന്നിവര്‍ തിരക്കഥ രചിച്ച കൊന്തയും പൂണുലും എന്ന ചിത്രം സംവിധാനം ചെയ്തുകൊണ്ട് സ്വതന്ത്രസംവിധായകനായി. 2016ല്‍  ഡാര്‍വിന്റെ പരിണാമം എന്ന ചിത്രം സംവിധാനം ചെയ്തു. ജിജോ ആന്റണി, മനോജ് നായര്‍ എന്നിവര്‍ ചേര്‍ന്ന് തിരക്കഥ രചിച്ച ചിത്രത്തില്‍ പ്രിഥ്വിരാജ്, ചെമ്പന്‍ വിനോദ് ജോസ്, ചാന്ദിനി ശ്രീധര്‍, സുധി കൊപ എന്നിവരായിരുന്നു പ്രധാന അഭിനേതാക്കള്‍.2017ല്‍ സണ്ണി വെയ്ന്‍, അപ്പാനി ശരത്. പ്രയാഗ മാര്‍ട്ടിന്‍ എന്നിവരെ കേന്ദ്രകഥാപാത്രങ്ങളാക്കി പോക്കിരി സൈമണ്‍ എന്ന ചിത്രം സംവിധാനം ചെയ്തു.