ജിനോ ജോണ്‍

ജീവചരിത്രം:  2016ല്‍ പ്രദര്‍ശനത്തിനെത്തിയ മഹേഷിന്റെ പ്രതികാരം എന്ന ചിത്രത്തിലെ കമോണ്‍ഡ്രാ മഹേഷേ എന്നൊരൊറ്റ ഡയലോഗിലൂടെ ചലച്ചിത്ര രംഗത്ത് ശ്രദ്ധിക്കപെട്ട താരമാണ് ജിനോ ജോണ്‍. ദിലീഷ് പോത്തന്‍ സംവിധനം ചെയ്ത ചിത്രത്തില്‍ ഫഹദ് ഫാസിലായിരുന്ന കേന്ദ്രകഥാപാത്രത്തെ അവതരിപ്പിച്ചത്.പിന്നീടങ്ങോട്ട് നിരവധി ചിത്രങ്ങളില്‍ ചെറുതും വലുതുമായ വേഷങ്ങളില്‍ അഭിനയിച്ച താരം 2017ല്‍ പ്രദര്‍ശനത്തിനെത്തിയ ഒരു മെക്‌സിക്കന്‍ അപാരത എന്ന ചിത്രത്തിലാണ് ഒരു മുഴുനീള കഥാപാത്രത്തെ അവതരിപ്പിക്കുന്നത്.  ചിത്രത്തിലെ കുഞ്ചന്‍ എന്ന കഥാപാത്ത്രതിന് മികച്ച പ്രതികരണമാണ് പ്രേക്ഷകരുടെ ഭാഗത്തുനിന്നും ലഭിച്ചത്. ക്യൂബന്‍ കോളനി എന്ന ചിത്രത്തിലാണ് പിന്നീട് അഭിനയിച്ചത്. ചലച്ചിത്ര അഭിനയത്തിനുപുറമെ സംവിധായകന്‍ കൂടിയാണ് ജിനോ ജോണ്‍.വായില്ലാകുന്നിലെ അപ്പന്‍ എന്ന ചിത്രമാണ് ആദ്യമായി തിരക്കഥയെഴുതി സംവിധാനം ചെയ്യുന്ന ചിത്രം. ചലച്ചിത്രരംഗത്തേക്കു കടന്നുവരുന്നതിനുമുന്‍പ് സജീവ രാഷ്ട്രീയ പ്രവര്‍ത്തകനായിരുന്നു ജിനോ.പഠിക്കുന്ന സമയത്ത് ആലുവ യുസി കോളേജില്‍ മാഗസിന്‍ എഡിറ്ററായും എറണാകുളം മഹാരാജസ് കോളേജില്‍ യൂണിയന്‍ ചെയര്‍മാനായും തിരഞ്ഞെടുക്കപെട്ടിട്ടുണ്ട്.