പൂജ ബത്ര

ജീവചരിത്രം:  പ്രശസ്ത ബോളിവുഡ് ചലച്ചിത്ര നടിയാണ് പൂജ ബത്ര. പൂനെയിലെ ഫെർഗൂസൻ കോളേജിൽ നിന്ന് സാമ്പത്തിക ശാസ്ത്രത്തിൽ ബിരുദവും സിംബിയോസിസ് കോളേജിൽ നിന്ന് എം.ബി.എ ബിരുദവും നേടി. ഇന്ത്യന്‍ വായു സേനയില്‍ ചേര്‍ന്ന പൂജ പിന്നീട് മോഡലിങ്ങിലേക്ക് തിരിഞ്ഞു. ലിറില്‍ സോപ്പിന്റെ പരസ്യത്തിലൂടെയാണ് ശ്രദ്ധിക്കപ്പെടുന്നത്. 1993ല്‍ മിസ്സ് ഇന്ത്യ  പട്ടം നേടി.   1997ല്‍ പുറത്തിറങ്ങിയ വിരാസത് ആണ് ആദ്യ ചിത്രം. അനിൽ കപൂർ, തബു എന്നിവർക്കൊപ്പം സഹനടിയുടെ റോളിലെത്തിയ പൂജയുടെ അഭിനയം ശ്രദ്ധ നേടുകയുണ്ടായി. പിന്നീട് നായികാ വേഷങ്ങളും പൂജയെ തേടിയെത്തി. ഇതിൽ സുനിൽ ഷെട്ടിയോടൊപ്പം അഭിനയിച്ച ഭായ് , സഞ്ജയ് ദത്തിനൊപ്പം അഭിനയിച്ച ഹസീന മാൻ ജായേഗി തുടങ്ങിയവ വിജയ ചിത്രങ്ങളായിരുന്നു.ഏകദേശം ഇരുപതിലധികം ചിത്രങ്ങളിൽ പൂജ അഭിനയിച്ചിട്ടുണ്ട്.   ബോളിവുഡ് ചിത്രങ്ങള്‍ക്ക് പുറമെ മലയാളം,തമിഴ്.തെലുഗു എന്നീ ഭാഷകളിലുംഅഭിനയിച്ചിട്ടുണ്ട്. ചന്ദ്രലേഖ,മേഘം,ദൈവത്തിന്റെ മകന്‍ എന്നിവയാണ് അഭിനയിച്ച മലയാള ചിത്രങ്ങള്‍. 2003 ഫെബ്രുവരി 9 സോനു അലുവാലിയയെ വിവാഹം ചെയ്തു. വിവാഹശേഷം ലൊസാഞ്ചല്‍സില്‍ താമസമാക്കിയ പൂജ 2011ല്‍ വിവാഹമോചിതയായി.2019ല്‍ നടന് നവാബ്ഷായെ വിവാഹം ചെയ്തു.