രഞ്ജിന്‍ രാജ്‌

ജീവചരിത്രം:  പ്രശസ്ത ചലച്ചിത്ര സംഗീത സംവിധായകനും ഗായകനുമാണ് രഞ്ജിന്‍ രാജ്. ഏഷ്യാനെറ്റില്‍ സംപ്രേഷണം ചെയ്ത ഐഡിയ സ്റ്റാര്‍ സിംഗര്‍ 2007-ലെ മത്സരാര്‍ത്ഥിയായിരുന്നു. തുടര്‍ന്ന് പരസ്യങ്ങള്‍, ജിംഗിളുകള്‍, ഹ്രസ്വ ചിത്രങ്ങള്‍, സംഗീത ആല്‍ബങ്ങള്‍ എന്നിവയ്ക്ക് സംഗീതം നല്‍കിക്കൊണ്ട് കരിയര്‍ ആരംഭിച്ചു.  തുടര്‍ന്ന് നിത്യ ഹരിത നായകന്‍ എന്ന ചിത്രത്തിലൂടെ സിനിമാരംഗത്തേക്ക് കടന്നു. 2018ല്‍ പുറത്തിറങ്ങിയ 'ജോസഫ്' എന്ന ചിത്രത്തിലെ ഗാനത്തിലൂടെയാണ് രഞ്ജിന്‍ രാജ് ശ്രദ്ധിക്കപ്പെടുന്നത്. ചിത്രത്തിലെ 'പൂമുത്തോളെ' എന്ന ഗാനത്തിന് ഗായകന്‍ വിജയ് യേശുദാസിന് 2018ലെ മികച്ച ഗായകനുള്ള കേരള സംസ്ഥാന ചലച്ചിത്ര അവാര്‍ഡും ലഭിച്ചിരുന്നു. ഈ ചിത്രത്തിനുശേഷം നിരവധി സിനിമ- സീരിയലുകള്‍ക്ക് സംഗീതം നല്‍കി.