സുനിൽ സുഖദ

16 May, 1964 | Thrissur

Actor/Actress

ജീവചരിത്രം

പ്രശസ്ത മലയാള ചലച്ചിത്രതാരമാണ് സുനില്‍സുഖദ. അദ്ധ്യാപകനായിരുന്ന സുധാകരപണിക്കരുടെയും സരസ്യതി അമ്മയുടെയും മകനായി ജനനം. തൃശ്ശൂര്‍ പൂത്തോളാണ് സ്വദേശം. സുനില്‍ വിസി എന്നാണ് യഥാര്‍ത്ഥ പേര്. നാടകത്തിനോടുള്ള താല്‍പര്യം ചെറുപ്പത്തില്‍തന്നെ തൃശ്ശൂരിലെ രംഗചേതന എന്ന നാടകസംഘത്തില്‍ എത്തിച്ചു.  ദീപന്‍ സംവിധാനം ചെയ്ത സ്‌പൈനല്‍ കോഡ് എന്ന നാടകത്തിലെ സുനിലിന്റെ അഭിനയം ഏറെ മികച്ചതാണ്.  നാടകരംഗത്തുനിന്നും പരസ്യരംഗത്ത് സജീവമായി. മാതൃഭൂമി, മിസ്റ്റര്‍ ടോര്‍ച്ച് ലൈറ്റ് എന്നീ പരസ്യചിത്രങ്ങളില്‍ ചെയ്ത വേഷമാണ് സുനില്‍ സുഖദയെ പ്രശസ്തനാക്കുന്നത്.ബെസ്റ്റ് ആക്ടര്‍ എന്ന ചിത്രത്തിലൂടെയാണ് ചലച്ചിത്രരംഗത്തേക്ക് അരങ്ങേറ്റം കുറിക്കുന്നത്.  തുടര്‍ന്ന് അഭിനയിച്ച സാള്‍ട്ട് ആന്റ് പെപ്പര്‍, ചാപ്പാ കുരിശ് എന്നീ ചിത്രങ്ങളിലെ മികച്ച പ്രകടനത്തോടെ ചലച്ചിത്രരംഗത്ത് സജീവമായി. ചാപ്പ കുരിശ് എന്ന ചിത്രത്തിലെ അഭിനയത്തിലൂടെ മികച്ച കഥാപാത്രങ്ങള്‍ അദ്ധേഹത്തെ തേടിയെത്തി. പിന്നീട് ലിജോ ജോസ് പെല്ലിശ്ശേരി സംവിധാനം ചെയ്ത ആമേന്‍ എന്ന ചിത്രത്തില്‍ ചെയ്ത കപ്യാര്‍ എന്ന കഥാപാത്രത്തിന് മികച്ച പ്രതികരണമാണ് പ്രേക്ഷകരുടെ ഭാഗത്തുനിന്നും ലഭിച്ചത്. മലയാളത്തിനുപുറമെ തമിഴ് ചലച്ചിത്രങ്ങളിലും അഭിനയിച്ചിട്ടുണ്ട്. സമുദ്രകനി സംവിധാനം ചെയ്ത പോരാളി എന്ന ചിത്രത്തിലൂടെയാണ് തമിഴ് ചലച്ചിത്രരംഗത്ത് സജീവമാകുന്നത്.  ലെനില്‍ രാജേന്ദ്രന്‍ സംവിധാനം ചെയ്ത മകരമഞ്ഞ്, രാത്രിമഴ എന്നീ ചിത്രങ്ങളുടെ സഹസംവിധായകന്‍ കൂടിയാണ്.