വിഷ്ണു വിനയ്

ജീവചരിത്രം:  മലയാള സിനിമാ സംവിധായകന്‍ വിനയന്റെ മകനാണ് വിഷ്ണു വിനയ്.വിഷ്ണു എസ് ഗോവിന്ദ് സംവിധാനം ചെയ്യുന്ന നല്ലനടപ്പ് എന്ന ചിത്രത്തിലൂടെയാണ് വിഷ്ണു വിനയ് യുടെ അരങ്ങേറ്റം.അമേരിക്കയില്‍ പര്‍ഡ്യു യൂണിവേഴ്‌സിറ്റിയില്‍ നിന്നും എയ്‌റോ സ്‌പേസ് എഞ്ചിനിയറിംഗില്‍ ബിരുദാനന്തര ബിരുദം നേടിയ വിഷ്ണു വിനയ് തനിക്കു ലഭിച്ച വളരെ നല്ലൊരു ജോലി വേണ്ടെന്നു വച്ചാണ് സിനിമയില്‍ എത്തുന്നത്.അമേരിക്കയില്‍ പഠിക്കുന്ന സമയത്തു തന്നെ എഴുതാനുള്ള കഴിവ് വിഷ്ണു തെളിയിച്ചിട്ടുണ്ട്.ഹിന്ദി സിനിമാ രംഗത്ത് പ്രവര്‍ത്തിച്ച രഞ്ജിത് ഗോവിന്ദന്‍ എന്ന സംവിധായകനു വേണ്ടി തിരക്കഥ ഒരുക്കുന്നതിനിടയിലാണ് അഭിനയിക്കാനുള്ള അവസരം വിഷ്ണുവിനെ തേടി എത്തുന്നത്.