പ്രണവിനും മമ്മൂട്ടിക്കും ഇടയില്‍ ഞെരുങ്ങി അമര്‍ന്ന് ഫഹദും ചാക്കോച്ചനും!

ആദിക്കും സ്ട്രീറ്റ്‌ലൈറ്റ്‌സിനുമൊപ്പം

പ്രണവ് മോഹന്‍ലാല്‍ നായകനായി അരങ്ങറുന്ന ആദ്യ സിനിമയായ ആദിക്കൊപ്പമാണ് 2081 ലെ ആദ്യ റിലീസുമായി മെഗാസ്റ്റാര്‍ എത്തിയത്. ഇവര്‍ക്കൊപ്പം പദ്മാവത്, കാര്‍ബണ്‍, ശിക്കാരി ശംഭു എന്നീ ചിത്രങ്ങളുമുണ്ട്.

കലക്ഷനിലെ തള്ളല്‍

ബോക്‌സോഫീസ് കലക്ഷനെക്കുറിച്ച് പല തരത്തിലാണ് വാര്‍ത്തകള്‍ പ്രചരിക്കാറുള്ളത്. സിനിമയിലെ മോശം പ്രവണതയാണ് ഇതെന്ന തരത്തില്‍ നേരത്തെ താരങ്ങള്‍ അഭിപ്രായപ്പെട്ടിരുന്നു. കലക്ഷനിലെ ഏറ്റക്കുറിച്ചിലിലൂടെയല്ല ഒരു സിനിമയെ വിലയിരുത്തേണ്ടെന്നായിരുന്നു താരങ്ങള്‍ അഭിപ്രായപ്പെട്ടത്.

ബോക്‌സോഫീസ് പ്രകടനത്തെക്കുറിച്ച്

നീണ്ട കാത്തിരിപ്പിനൊടുവില്‍ തിയേറ്ററുകളിലേക്കെത്തുന്ന സിനിമയുടെ ബോക്‌സോഫീസ് പെര്‍ഫോമന്‍സിനെക്കുറിച്ച് അറിയാന്‍ ആരാധകര്‍ക്ക് ആകംക്ഷയുണ്ടാവുന്നത് സ്വാഭാവികമാണ്.

ഒന്നാം സ്ഥാനക്കാരനായി പ്രണവ്

അപ്പുവെന്ന പ്രണവിനെ ചുറ്റിപ്പറ്റിയാണ് ഇപ്പോള്‍ മലയാള സിനിമ നീങ്ങുന്നത്. നായകനായി അരങ്ങേറിയ പ്രണവിന് ബോക്‌സോഫീസിലും മികച്ച സ്വീകാര്യതയാണ് ലഭിച്ചത്. ഗ്രാന്റ് ഓപ്പണിങ്ങ് തന്നെയായിരുന്നു ഈ താരപുത്രന് ലഭിച്ചത്.

തൊട്ടുപുറകിലുണ്ട് മമ്മൂട്ടി

ബോക്‌സോഫീസില്‍ നിന്നും മികച്ച പ്രതികരണമാണ് മമ്മൂട്ടിയുടെ സ്ട്രീറ്റ്‌ലൈറ്റ്‌സിന് ലഭിക്കുന്നത്. 2018 ലെ ആദ്യ റിലീസിന് മികച്ച ഓപ്പണിങ്ങാണ് ലഭിച്ചത്.

ചാക്കോച്ചന്റെ ശിക്കാരി ശംഭു

ബിഗ് റിലീസുകള്‍ക്കിടയില്‍ വേണ്ടത്ര ശ്രദ്ധ നേടാതെ പോവുകയാണ് ശിക്കാരി ശംഭു. ഇതുവരെ കാണാത്ത രൂപഭാവത്തിലെത്തിയ കുഞ്ചാക്കോ ബോബന് വേണ്ടത്ര സ്വീകാര്യത ലഭിച്ചിരുന്നില്ല. ബിഗ് റിലീസിനിടയില്‍ മുങ്ങിപ്പോവുകയായിരുന്നു ശംഭു.

ഫഹദിന്റെ കാര്‍ബണ്‍

മുന്നറിയിപ്പിന് ശേഷം വേണു സംവിധാനം ചെയ്ത കാര്‍ബണിന് തുടക്കത്തില്‍ മികച്ച സ്വീകാര്യതയായിരുന്നു ലഭിച്ചത്. തുടക്കം ഗംഭീരമാക്കിയെങ്കിലും ബിഗ് റിലീസുകളെത്തിയപ്പോള്‍ അത് കാര്‍ബണിനെയും ബാധിച്ചുവെന്നുള്ള റിപ്പോര്‍ട്ടുകളാണ് ഇപ്പോള്‍ പുറത്തുവന്നിട്ടുള്ളത്.

വിവാദങ്ങള്‍ക്കൊടുവില്‍ പത്മാവത്

തുടക്കം മുതലേ വിവാദങ്ങള്‍ പത്മാവതിനെ വിടാതെ പിന്തുടര്‍ന്നിരുന്നു. ജനുവരി 25 ന് തിയേറ്ററുകളിലേക്കെത്തിയ ചിത്രത്തിന് മികച്ച ഓപ്പണിങ്ങാണ് ലഭിച്ചത്.