മമ്മൂക്കയെ ഹൈവോള്‍ട്ടേജിലാക്കാന്‍ ഒന്നും ചെയ്യേണ്ടതില്ല! മെഗാസ്റ്റാറിനെക്കുറിച്ച് അജയ് വാസുദേവ്‌

മമ്മൂക്കയെക്കുറിച്ച് അടുത്തിടെ മനോരമയ്ക്ക് നല്‍കിയ അഭിമുഖത്തില്‍ അജയ് വാസുദേവ് പറഞ്ഞ കാര്യങ്ങള്‍ ശ്രദ്ധേയമായി മാറിയിരുന്നു. താന്‍ ആഗ്രഹിച്ച രീതിയിലാണ് മമ്മൂക്കയെ വെച്ച് മൂന്ന് സിനിമകളും ഒരുക്കിയതെന്ന് അജയ് പറഞ്ഞു. മമ്മൂക്കയെ ഹൈവോള്‍ട്ടേജിലാക്കാന്‍ സംവിധായകന്‍ ഒന്നു ചെയ്യേണ്ട കാര്യമില്ലെന്നും അജയ് വാസുദേവ് പറയുന്നു.

അദ്ദേഹം അല്ലെങ്കില്‍ തന്നെ ത്രിബിള്‍ ഹൈ വോള്‍ട്ടേജിലാണ്. ക്യാരക്ടര്‍ ഇന്നതാണെന്ന് അറിഞ്ഞാല്‍ അതിനുളള വേഷവിധാനമെല്ലാം അദ്ദേഹത്തിന്റെ തന്നെ സജഷനോട് കൂടിയാണ് ഒരുക്കുന്നത്. ചിലപ്പോള്‍ ക്യാരക്ടറിന്റെ അതേ വേഷത്തില്‍ തന്നെ ലൊക്കേഷനില്‍ വന്നിറങ്ങി മമ്മൂക്ക ഞെട്ടിക്കാറുണ്ടെന്നും സംവിധായകന്‍ പറഞ്ഞു.

മമ്മൂക്കയെ വെച്ച് ഒരു സിനിമയെടുക്കണം എന്നത് സംവിധാന സഹായിയായി നടന്നിരുന്ന കാലത്തെ ആഗ്രഹമായിരുന്നു. ഉദയകൃഷ്ണ സിബികെ തോമസ് കൂട്ടുകെട്ട് ആ ആഗ്രഹം നിറവേറ്റാന്‍ എന്നെ സഹായിച്ചു. ഞാനാഗ്രഹിക്കുന്ന മമ്മൂക്കയെ സ്‌ക്രീനിലെത്തിക്കാന്‍ അവര്‍ എനിക്ക് രാജാധിരാജയുടെ സ്‌ക്രിപ്റ്റ് ചെയ്തു തന്നു. മാസ്റ്റര്‍പീസിന്റെ കാര്യത്തിലും ഇത് തന്നെയാണ് നടന്നത്.

മമ്മൂക്കയ്ക്ക് കഥ ഇഷ്ടമായ ശേഷമാണ് ഷൈലോക്ക് തിരക്കഥാകൃത്തുകള്‍ തന്റെ അടുത്ത് വന്നത്. മമ്മൂക്കയെ വെച്ചൊരു മാസ് എന്റര്‍ടെയ്‌നറിന് പറ്റിയ എല്ലാ ചേരുവകളും ഉളള
ഒരു സ്‌ക്രിപ്റ്റ് ആയിരുന്നു അത്. മറ്റൊരു പ്രോജക്ട് തല്‍ക്കാലം മാറ്റിവെച്ചാണ് ഷൈലോക്ക് ചെയ്തതെന്നും അജയ് വാസുദേവ് അഭിമുഖത്തില്‍ പറഞ്ഞു.

Recommended Video

വന്നു കാണെടാ...ഈ പ്രായത്തിലുമുള്ള ഇക്കയുടെ പ്രകടനം | FilmiBeat Malayalam

ജനുവരി 23ന് വമ്പന്‍ റിലീസായിട്ടാണ് മമ്മൂട്ടി ചിത്രം തിയ്യേറ്ററുകളിലേക്ക് എത്തിയിരുന്നത്. ഗുഡ്വില്‍ എന്റര്‍ടെയ്ന്‍മെന്റ്സിന്റെ ബാനറില്‍ ജോബി ജോര്‍ജ്ജാണ് ഷൈലോക്ക് നിര്‍മ്മിച്ചിരിക്കുന്നത്. മെഗാസ്റ്റാറിനൊപ്പം തമിഴ് താരം രാജ്കിരണും ചിത്രത്തില്‍ പ്രധാന വേഷത്തില്‍ എത്തുന്നുണ്ട്. സിദ്ധിഖും കലാഭവന്‍ ഷാജോണുമാണ് വില്ലന്മാരായി എത്തുന്നത്. മീന നായികയാവുന്ന ചിത്രത്തില്‍ ബൈജു, ഹരീഷ് കണാരന്‍, ബിബിന്‍ ജോര്‍ജ്ജ്, കലാഭവന്‍ ഷാജോണ്‍ തുടങ്ങിയവരും പ്രധാന വേഷങ്ങളില്‍ എത്തുന്നു.