2019ല്‍ ഗള്‍ഫില്‍ നിന്നും എറ്റവും കൂടുതല്‍ കളക്ഷന്‍ നേടിയ സിനിമയായി ലൂസിഫര്‍,മറ്റു ചിത്രങ്ങള്‍ ഇവ

മോഹന്‍ലാലിനെ നായകനാക്കി പൃഥ്വിരാജ് സുകുമാരന്‍ സംവിധാനം ചെയ്ത ചിത്രം ഇക്കൊല്ലം മാര്‍ച്ച് 28നാണ് പുറത്തിറങ്ങിയത്. വമ്പന്‍ താരനിര അണിനിരന്ന സിനിമ പൊളിറ്റില്‍ ആക്ഷന്‍ ത്രില്ലറായിരുന്നു. 5.654 മില്യണ്‍ ഡോളര്‍(39 കോടിക്ക് മുകളിലാണ്) ലൂസിഫര്‍ ഗള്‍ഫില്‍ നിന്നും നേടിയിരിക്കുന്നതെന്ന് റിപ്പോര്‍ട്ടുകള്‍ സൂചിപ്പിക്കുന്നു. ഓവര്‍സീസ് മാര്‍ക്കറ്റില്‍ നിന്നും അമ്പത് കോടി കളക്ഷന്‍ നേടുന്ന ആദ്യത്തെ മലയാള ചിത്രമാണ് ലൂസിഫര്‍.

ഹൃത്വിക്ക് റോഷനും ടൈഗര്‍ ഷ്‌റോഫും ഒന്നിച്ച വാര്‍ ഇക്കൊല്ലം ബോളിവുഡില്‍ റിലീസ് ചെയ്ത വിജയചിത്രങ്ങളിലൊന്നാണ്. മികച്ച പ്രതികരണത്തോടൊപ്പം ബോക്‌സോഫീസ് കളക്ഷന്റെ കാര്യത്തിലും ആക്ഷന്‍ ചിത്രം നേട്ടമുണ്ടാക്കിയിരുന്നു. ജിസിസി കളക്ഷനില്‍ ലൂസിഫറിന് പിന്നില്‍ രണ്ടാമതാണ് വാര്‍ എത്തിയിരിക്കുന്നത്. ഗള്‍ഫ്‌ മാര്‍ക്കറ്റില്‍ നിന്നായി 4.74 മില്യണ്‍ ഡോളറാണ് സിനിമ സ്വന്തമാക്കിയിരിക്കുന്നത്. 450 കോടിക്ക് മുകളിലാണ് വാറിന്റെ ആഗോള കളക്ഷന്‍.

വാറിന് പിന്നാലെ സല്‍മാന്‍ ഖാന്‍ നായകനായ ഭാരത് എന്ന ചിത്രമാണ് ജിസി കളക്ഷനില്‍ മൂന്നാമത് എത്തിയിരിക്കുന്നത്. അലി അബ്ബാസ് സഫര്‍ സംവിധാനം ചെയ്ത സിനിമ 4.44 മില്യണ്‍ ഡോളറാണ് ഗള്‍ഫ്‌ രാജ്യങ്ങളില്‍ നിന്നായി നേടിയിരിക്കുന്നത്. മൂന്നൂറ് കോടിക്ക് മുകളിലാണ് സിനിമയുടെ വേള്‍ഡ് വൈഡ് കളക്ഷന്‍.

ബാഹുബലി സീരിസിന് പിന്നാലെ ഇറങ്ങിയ പ്രഭാസിന്റെ സാഹോയാണ് ലിസ്റ്റില്‍ നാലാമത് എത്തിയിരിക്കുന്നത്. 350 കോടി മുതല്‍മുടക്കില്‍ നിര്‍മ്മിച്ച സിനിമ 2.78 മില്യണ്‍ ഡോളറാണ് ജിസിസിയില്‍ നിന്നും നേടിയിരിക്കുന്നത്. സുജിത് സംവിധാനം ചെയ്ത സിനിമയില്‍ ശ്രദ്ധ കപൂറായിരുന്നു നായിക. 400 കോടിയിലധികമാണ് സിനിമ വേള്‍ഡ് വൈഡ് കളക്ഷന്‍ നേടിയത്.

ദളപതി വിജയുടെ ദീപാവലി റിലീസ് ചിത്രം ബിഗില്‍ ലിസ്റ്റില്‍ അഞ്ചാമത് എത്തിയിരിക്കുന്നു. അറ്റ്‌ലീ സംവിധാനം ചെയ്ത സിനിമയില്‍ ലേഡീ സൂപ്പര്‍സ്റ്റാര്‍ നയന്‍താര ആയിരുന്നു നായിക. ജിസിസി സെന്ററുകളില്‍ നിന്നായി 2.64 മില്യണ്‍ ഡോളറാണ് ചിത്രം സ്വന്തമാക്കിയിരിക്കുന്നതെന്ന് റിപ്പോര്‍ട്ടുകള്‍ സൂചിപ്പിക്കുന്നു. മൂന്നുറു കോടിക്ക് മുകളിലാണ് സിനിമയുടെ വേള്‍ഡ് വൈഡ് കളക്ഷന്‍.