സിനിമയിലെത്തുന്നതിന് മുമ്പ് വിവാഹിതരായ ഈ നടിമാരെ കണ്ടാല്‍ ആരെങ്കിലും പറയുമോ ഇവര്‍ വിവാഹിതരാണെന്ന്?

വിവാഹത്തിന് ശേഷം സിനിമ

സിനിമയില്‍ കുടുംബ ബന്ധങ്ങള്‍ക്ക് ആയൂസ് കുറവാണെന്ന് പലപ്പോഴും തെളിയിക്കപ്പെട്ടിട്ടുണ്ട്. എന്നാല്‍ ഇന്ന് നമ്മുടെ പ്രിയപ്പെട്ട നടിമാരായ പല നടിമാരും വിവാഹത്തിന് ശേഷം സിനിമയിലെത്തിയവരായിരുന്നു.

രചന നാരായണന്‍കുട്ടി

മറിമായം എന്ന ടെലിവിഷന്‍ പരമ്പരയിലുടെയാണ് രചന നാരയണന്‍ കുട്ടി അഭിനയത്തിന് തുടക്കം കുറിക്കുന്നത്. പിന്നീട് ഹാസ്യ താരമായി സിനിമയിലേക്കും നടി എത്തുകയായിരുന്നു. സിനിമയിലെത്തുന്നതിന് മുമ്പ് തന്നെ രചന വിവാഹതിയായിരുന്നു. എന്നാല്‍ കുറഞ്ഞ ദിവസത്തെ ദാമ്പത്യ ജീവിതം മാത്രമെ നടിക്കുണ്ടായിരുന്നുള്ളു.

ശിവദ

ലിവിങ് ടുഗദര്‍ എന്ന സിനിമയിലുടെയാണ് നടി ശിവദ സിനിമയിലേക്കെത്തുന്നത്. പിന്നീട് തമിഴ് സിനിമയിലഭിനയിച്ചിരുന്നെങ്കിലും സിനിമയില്‍ അത്ര സജീവമായിരുന്നില്ല. എന്നാല്‍ ജയസൂര്യയുടെ നായികയായി സു സു സുധി വാത്മീകം എന്ന സിനിമയിലുടെ തിരക്കുള്ള നടിയായി ശിവദ വളര്‍ന്നു. ശിവദ വിവാഹിതയാണെന്ന് പലര്‍ക്കും അറിയില്ലായിരുന്നു. എന്നാല്‍ 2015 ല്‍ മുരളി കൃഷ്ണന്‍ എന്ന സുഹൃത്തിനെ ശിവദ വിവാഹം കഴിച്ചിരുന്നു.

നൈല ഉഷ

ടെലിവിഷന്‍ അവതരണ മേഖലയില്‍ നിന്നുമാണ് നടി നൈല ഉഷ സിനിമയിലേക്കെത്തുന്നത്. മമ്മുട്ടി നായകനായി എത്തിയ കുഞ്ഞനന്തന്റെ കട എന്ന സിനിമയിലുടെയാണ് നൈല സിനിമയിലഭിനയിച്ചത്. സിനിമയിലെത്തുന്നതിന് മുമ്പ് തന്നെ നൈലയുടെ വിവാഹം കഴിഞ്ഞിരുന്നു. റോണ രാജനാണ് നൈലയുടെ ഭര്‍ത്താവ്. അര്‍ണവ് റോണ എന്ന മകനും നടിക്കുണ്ട്.

അഞ്ജലി നായര്‍

1994 ലാണ് അഞ്ജലി നായര്‍ മാനത്തെ വെള്ളിത്തേര് എന്ന സിനിമയിലുടെയാണ് ബാലതാരമായി സിനിമയിലഭിനയിച്ചു തുടങ്ങിയത്. പിന്നീടങ്ങോട്ട് നിരവധി സിനിമകളിലഭിനയിച്ച അഞ്ജലിയും വിവാഹതിയായിരുന്നു.

ചാന്ദിനി ശ്രീധരന്‍

ഉണ്ണി മുകുന്ദന്റെ നായികയായിട്ടാണ് ചാന്ദിനി ശ്രീധരന്‍ മലയാളത്തിലഭിനയിച്ചു തുടങ്ങിയത്. പിന്നീട് പൃഥ്വിരാജിന്റെ ഡാര്‍വിന്റെ പരിണാമം, ദുല്‍ഖറിന്റെ കോമ്രേഡ് ഇന്‍ അമേരിക്ക എന്ന സിനിമയിലഭിനയിച്ച ചാന്ദിനിയും വിവാഹിതയാണ്.

അനു സിത്താര

അനു സിത്താര ഇപ്പോഴുള്ള യുവനടിമാരില്‍ പ്രധാനപ്പെട്ട നടിയാണ്. മലയാളത്തിലെ മികച്ച സിനിമകളിലഭിനയിച്ചു കൊണ്ടിരിക്കുന്ന അനു ചെറുപ്രായത്തില്‍ തന്നെ വിവാഹം കഴിച്ചിരുന്നു. സ്‌കൂളില്‍ പഠിക്കുമ്പോള്‍ മുതല്‍ തുടങ്ങിയ പ്രണയം ഇരുപതാം വയസില്‍ വിവാഹത്തിലെത്തുകയായിരുന്നു.