മമ്മൂക്കയെ കുറിച്ച് തോന്നിയിട്ടുളളത് അങ്ങനെ, ദിലീപ് ഒരുപാട് എക്‌സ്പ്ളോര്‍ ചെയ്യപ്പെടാത്ത ആക്ടര്‍: മുരളി ഗോപി

അതേസമയം സൂപ്പര്‍താരങ്ങളെ കുറിച്ച് കൗമുദി ടിവിക്ക് നല്‍കിയ അഭിമുഖത്തില്‍ മനസുതുറന്നിരിക്കുകയാണ് മുരളി ഗോപി. മമ്മൂക്ക വളരെ സ്‌ട്രെയ്റ്റ് ഫോര്‍വേര്‍ഡ് ആയിട്ടുളള ആളാണെന്ന് മുരളി ഗോപി പറയുന്നു. അങ്ങനെയാണ് എനിക്ക് അദ്ദേഹത്തെ കുറിച്ച് തോന്നിയിട്ടുളളത്. ഓള്‍ഡ് ജനറേഷന്‌റെയും ന്യൂ ജനറേഷന്‌റെയും ഇടയിലുളള നല്ലൊരു ബ്രിഡ്ജാണ് മമ്മൂക്ക. അഭിനയത്തിന്‌റെ കാര്യത്തില്‍ ഒരു സംശയവുമില്ല; അദ്ദേഹം എറ്റവും മികച്ചവരില്‍ ഒരാളാണ്.

ലാലേട്ടനും അത് പോലെയാണ്. എനിക്ക് ചേട്ടനെ പോലെയാണ് അദ്ദേഹം. സ്റ്റാര്‍ പവര്‍ എന്നതാണ് പൃഥ്വിരാജില്‍ കാണുന്നത്. അതുപോലെയാണ് ദിലീപും. ദിലീപ് ഒരുപാട് എക്‌സ്പ്‌ളോര്‍ ചെയ്യപ്പെടാത്ത ആക്ടറാണ് എന്നും മുരളി ഗോപി പറഞ്ഞു. ഒരു നടനെന്ന നിലയില്‍ 50 ശതമാനം മാത്രമേ ദിലീപിന്‌റെതായി പുറത്തുവന്നിട്ടുളളൂ. കമ്മാരസംഭവത്തില്‍ അദ്ദേഹം വേറെ ഒരു ആംഗിളില്‍ എക്‌സ്‌പ്ളോര്‍ ചെയ്തിട്ടുണ്ട്.

വേറൊരു മുഖമുളള, വേറൊരു തരം കഴിവുളള, ഡാര്‍ക്ക് ഷേയ്ഡ്‌സ് അവതരിപ്പിക്കാന്‍ പറ്റിയ കഴിവ് ദിലീപ് എക്‌സ്പ്‌ളോര്‍ ചെയ്തിട്ടുണ്ട്, മുരളി ഗോപി പറഞ്ഞു. അതേസമയം മുരളി ഗോപിയുടെ രാഷ്ട്രീയ കാഴ്ചപ്പാടുകള്‍ മുന്‍പ് ഏറെ തെറ്റിദ്ധരിക്കപ്പെട്ടിട്ടുണ്ട്. മുരളി ഗോപി ഒരു വലത് പക്ഷ അനുഭാവിയാണെന്ന് ചിലര്‍ ആരോപിച്ചു. യഥാര്‍ത്ഥത്തില്‍ എന്താണ് രാഷ്ട്രീയം എന്ന് ചോദിച്ചപ്പോള്‍ പ്രധാനമായും അത് വിവരമില്ലാത്ത ആളുകള്‍ പറയുന്ന കാര്യമാണ് എന്ന് മുരളി ഗോപി പറയുന്നു.

ഞാന്‍ അവര്‍ക്കൊന്നും ഉത്തരം നല്‍കാന്‍ പോവാറില്ല. ഞാന്‍ അതിന് മെനക്കെടാറുമില്ല. സിനിമയെ നന്നായി മനസിലാക്കാന്‍ കഴിയാത്ത ആള്‍ക്കാര് അവരുടെതായ സങ്കുചിതമായ മനസ്ഥിതിയില്‍ നിന്നുകൊണ്ട് ഓരോ കാര്യങ്ങള്‍ പറയുന്നതാണ്. ഇങ്ങനെ പറയുന്നവര്‍ക്ക് ശരിക്ക് ഇടതുപക്ഷം എന്താണെന്നും വലതുപക്ഷം എന്താണെന്നും അറിയില്ല, ലെഫ്റ്റ് റൈറ്റ് ലെഫ്റ്റിന് ശേഷമുളള ആരോപണങ്ങള്‍ക്ക് മുരളി ഗോപി മറുപടി നല്‍കി.

Recommended Video

John Brittas about why Mammootty not get Padma Bhushan

അതേസമയം കുരുതിയാണ് മുരളി ഗോപിയുടെതായി ഒടുവില്‍ പുറത്തിറങ്ങിയ സിനിമ. നവാഗതനായ മനു വാര്യര്‍ സംവിധാനം ചെയ്ത് പൃഥ്വിരാജ് നിര്‍മ്മിച്ച ചിത്രത്തില്‍ മുരളി ഗോപി ഒരു പ്രധാന റോളില്‍ എത്തുന്നു. കുരുതിക്ക് പുറമെ തീര്‍പ്പ് എന്ന ചിത്രവും നടന്‌റെതായി അണിയറയില്‍ ഒരുങ്ങുന്നു. ഈ വര്‍ഷം ദൃശ്യം 2വിലും ശ്രദ്ധേയമായ ഒരു കഥാപാത്രത്തെ മുരളി ഗോപി അവതരിപ്പിച്ചു. ദൃശ്യത്തിലെ ഐജി റോളിന് മികച്ച പ്രേക്ഷക പ്രശംസകളാണ് മുരളി ഗോപിക്ക് ലഭിച്ചത്.