ബോക്‌സോഫീസ് തൂക്കിയടിച്ച മോഹന്‍ലാലിന്റെ പുലിമുരുകന്‍,മോളിവുഡിലെ ആദ്യ 100കോടി പിറന്ന് ഇന്ന് 3 വര്‍ഷം

2016 ഒക്ടോബര്‍ ഏഴിനാണ് ചിത്രം പുറത്തിറങ്ങിയതെങ്കിലും നൂറു കോടി ക്ലബില്‍ എത്തിയ വിവരം പ്രഖ്യാപിച്ചത് 2016 നവംബര്‍ ഏഴിനാണ്. മലയാളത്തിലെ ആദ്യ നൂറ് കോടി പിറന്നതിന്റെ മൂന്നാം വാര്‍ഷികമാണ് ഇന്ന്. മുളകുപാടം ഫിലിംസിന്റെ ബാനറില്‍ ടോമിച്ചന്‍ മുളകുപാടമാണ് ചിത്രം നിര്‍മ്മിച്ചിരുന്നത്. റിലീസ് ചെയ്ത് മൂന്ന് വര്‍ഷം ആവുമ്പോഴും പുലിമുരുകന്‍ സ്ഥാപിച്ച പല റെക്കോര്‍ഡുകളും ഇന്നും തകര്‍ക്കപ്പെടാതെ നിലനില്‍ക്കുകയാണ്.

150 കോടിക്ക് മുകളിലാണ് സിനിമ മൊത്തമായി തിയ്യേറ്ററുകളില്‍ നിന്നായി കളക്ട് ചെയ്തത്. സംവിധായകന്‍ വൈശാഖിന്റെ കരിയറിലും വലിയ വഴിത്തിരിവുണ്ടാക്കിയിരുന്നു സിനിമ. വമ്പന്‍ റിലീസായിട്ടായിരുന്നു ചിത്രം അന്ന് പ്രദര്‍ശനത്തിന് എത്തിയിരുന്നത്. നാളുകളുടെ പ്രയ്തനം എടുത്ത് നിര്‍മ്മിച്ച സിനിമയ്ക്ക് അര്‍ഹിച്ച വിജയം തന്നെ തിയ്യേറ്ററുകളില്‍ ലഭിച്ചു.

ഉദയകൃഷ്ണ തിരക്കഥയൊരുക്കിയ സിനിമയില്‍ പീറ്റര്‍ ഹെയ്ന്‍ ഒരുക്കിയ സംഘടന രംഗങ്ങളായിരുന്നു മുഖ്യ ആകര്‍ഷണമായി മാറിയിരുന്നത്. മോഹന്‍ലാലിന്റെ പ്രകടനം തന്നെയായിരുന്നു സിനിമയുടെ മുഖ്യ ആകര്‍ഷണമായി മാറിയിരുന്നത്. സിനിമാ പ്രേമികളും ആരാധകരും പ്രതീക്ഷിച്ചതിനേക്കാളും മേലെയായിരുന്നു ലാലേട്ടന്റെ പ്രകടനം. ചിത്രത്തില്‍ പുലിമുരുകനായി എത്തിയ താരത്തിന്റെ പ്രകടനം പ്രേക്ഷകരെ അത്ഭുതപ്പെടുത്തി. ലാലേട്ടന്റെ ആക്ഷന്‍ രംഗങ്ങള്‍ തന്നെയായിരുന്നു ചിത്രത്തില്‍ മികച്ചുനിന്നത്.

പുലിയും മനുഷ്യനും തമ്മിലുളള സംഘടനരംഗങ്ങളും ചിത്രത്തില്‍ മുഖ്യ ആകര്‍ഷണമായി മാറിയിരുന്നു. റിലീസ് ചെയ്ത് മൂന്ന് വര്‍ഷങ്ങള്‍ ആവുമ്പോഴും ഇപ്പോഴും പ്രേക്ഷകരുടെ ഇഷ്ട ചിത്രം തന്നെയാണ് പുലിമുരുകന്‍. ബംഗാളി താരം കമാലിനി മുഖര്‍ജിയായിരുന്നു ചിത്രത്തില്‍ ലാലേട്ടന്റെ നായികയായി എത്തിയത്. ഒപ്പം ലാല്‍,ജഗപതി ബാബു, വിനു മോഹന്‍,നോബി, സുരാജ് വെഞ്ഞാറമൂട്,സിദ്ധിഖ്, നമിത,നന്ദു, എംആര്‍ ഗോപകുമാര്‍ തുടങ്ങിയവരും മറ്റു പ്രധാന വേഷങ്ങളിലെത്തി. ഗോപി സുന്ദര്‍ ആയിരുന്നു സംഗീതമൊരുക്കിയത്. ഷാജികുമാര്‍ ഛായാഗ്രഹണവും ജോണ്‍കുട്ടി എഡിറ്റിങ്ങും നിര്‍വ്വഹിച്ചു, 159 മിനിറ്റായിരുന്നു പുലിമുരുകന്റെ ദൈര്‍ഘ്യം.