'ഞങ്ങളുടെ രണ്ടുപേരുടെയും രണ്ട് വർഷത്തെ യാത്രയാണ്, സാമന്തയോട് ക്രഷ് തോന്നിയിരുന്നു, നല്ല പണിയായിരുന്നു'; ദേവ്

'അതിഥി റാവു ആയിരുന്നില്ല ആദ്യം സൂഫിയും സുജാതയുടേയും ഓപ്ഷൻ. പിന്നീട് ഒരിക്കൽ വിജയ് ബാബു അതിഥിയെ മീറ്റ് ചെയ്തിരുന്നു. അതിനുശേഷമാണ് അതിഥി സിനിമയുടെ ഭാ​ഗമായത്. ശാകുന്തളത്തിൽ അഭിനയിക്കാൻ വിളി വന്നപ്പോൾ നായിക സാമന്തയാണെന്ന് അവർ പറഞ്ഞപ്പോൾ ഞാൻ‌ അത്ര കാര്യമായി എടുത്തില്ല.'

'കളിപ്പിക്കാൻ പറയുന്നതാവുമെന്ന് കരുതി. പിന്നെ കുറച്ച് കൂടി സംസാരിച്ചപ്പോഴാണ് അവർ സീരിയസായാണ് സംസാരിക്കുന്നതെന്ന് മനസിലായത്. അങ്ങനെയാണ് ശാകുന്തളത്തിന്റെ ഭാ​ഗമാകുന്നത്. ഇപ്പോഴും എല്ലാവരുടേയും ഉള്ളിൽ സൂഫിയുണ്ട്.'

'ശാകുന്തളം ഇറങ്ങിയാലെ അത് ബ്രേക്ക് ചെയ്യാൻ പറ്റു. സാമന്തയുമായി നല്ല കംഫർ‌ട്ടായിരുന്നു. കുതിരപ്പുറത്ത് ആദ്യമായി കയറിയത് ശാകുന്തളത്തിന് വേണ്ടിയാണ്. അതിന് മുമ്പ് കയറിയിട്ടില്ല. പിന്നെ ശാകുന്തളം ഷൂട്ട് തുടങ്ങും മുമ്പ് ബാഹുബലിയിൽ അഭിനയിക്കുമ്പോൾ പ്രഭാസിന് കുതിര സവാരി ട്രെയിനിങ് കൊടുത്തയാൾ എനിക്ക് ട്രെയിനിങ് തന്നിരുന്നു.'

'കുതിര നന്നായി മനുഷ്യരോട് ഇണങ്ങും. നമ്മുടെ റൈഡിങ് സ്റ്റൈൽ കുതിരയ്ക്ക് പെട്ടന്ന് മനസിലാകും. സുഫിയും സുജാതയുമെന്ന് ഓർക്കുമ്പോൾ തന്നെ മനസിലേക്ക് വരുന്നത് ഷാനവാസിക്കയാണ്.'

'ഇപ്പോഴും എന്നെ കാണുമ്പോൾ ആളുകൾക്ക് സുഫിയായി തോന്നുണ്ടെങ്കിൽ അത് ഞാൻ രണ്ട് വർഷം കൊണ്ട് സൂഫിയെപ്പോലെ പരിണമിച്ചതാണ്. പെട്ടന്നൊരു ദിവസം പോയി ചെയ്തതല്ല. 2018 മുതൽ ഞാനും ഷാനവാസിക്കയും ഒരുമിച്ച് സൂഫിയും സുജാതയും സിനിമയ്ക്ക് പിന്നാലെ സഞ്ചരിച്ചിരുന്നു.'

'എന്റേയും ഷാനവാസിക്കയുടേയും ഇമോഷണൽ കണക്ടാണ് സൂഫിയും സുജാതയും. ഷൈൻ ടോം ചാക്കോയ്ക്ക് നല്ല എനർജിയാണ്. സാമന്തയോട് ക്രഷ് തോന്നിയിരുന്നു. സാമന്ത ആളുകളോട് സംസാരിക്കുന്നത് കാണാൻ വളരെ രസമാണ്.'

'രണ്ട് വർഷമായി കണ്ട് എനിക്കിപ്പോൾ ശകുന്തള എന്നത് സാമന്തയാണ്. വ്യത്യസ്തമായ കഥാപാത്രങ്ങൾ ചെയ്യാനാണ് ആ​ഗ്രഹം. സൂഫിയും സുജാതയും ചെയ്യും മുമ്പ് സ്റ്റേജിൽ പോലും കയറാത്ത ആളാണ് ഞാൻ.'

'ഓഡീഷന് ചെന്നപ്പോൾ വിജയ് സാർ എന്നോട് കോൺഫിഡന്റ് ആണോയെന്ന് ചോ​ദിച്ചു. അന്ന് ഞാൻ പറഞ്ഞ് എനിക്ക് അഭിനയിക്കാൻ അറിയില്ല. പക്ഷെ ഞാൻ കോൺഫിഡന്റാണ് എന്നാണ്. സിദ്ദിഖയ്ക്ക് കരയാൻ ​ഗ്ലിസറിന്റെ ആവശ്യമില്ല. വളരെ കുറഞ്ഞ സെക്കന്റുകൾക്കുള്ളിൾ ആ ഇമോഷനിലേക്കും കയറും.'

'എനിക്ക് തെലുങ്ക് അറിയില്ലായിരുന്നു. അവർ പറയുന്നതും മനസിലാവില്ല. ഓരോന്നും മലയാളത്തിൽ എഴുതിയെടുത്താണ് പറഞ്ഞിരുന്നത്. വളരെ കട്ടിയുള്ള തെലുങ്കാണ്. സാമന്തയ്ക്കും കുറച്ച് ബുദ്ധിമുട്ടായിരുന്നു അത് പറയാൻ. സാമന്ത അടിപൊളിയാണ്.'

'ദുഷ്യന്തന്റെ വേഷത്തിലാണ് സാമന്തയെ ആദ്യം പരിചയപ്പെട്ടത്. അന്ന് സാമന്തയ്ക്ക് അസുഖം ഉണ്ടായിരുന്നില്ല. നന്നായി റിക്കവർ ചെയ്ത് വരികയാണ് സാമന്ത' ദേവ് മോഹൻ പറഞ്ഞു.