പാച്ചുവും അത്ഭുത വിളക്കും

ഫഹദ് ഫാസിലിനെ നായകനാക്കി അഖില്‍ സത്യന്‍ സംവിധാനം ചെയ്ത ഫാമിലി എന്റര്‍ടെയ്‌നറാണ് പാച്ചുവും അത്ഭുതവിളക്കും. അഞ്ജന ജയപ്രകാശാണ് ചിത്രത്തില്‍ ഫഹദിന്റെ നായികയായി എത്തുന്നത്. അഖില്‍ സത്യന്‍ തന്നെയാണ് ചിത്രത്തിന്റെ തിരക്കഥയും കഥയും എഡിറ്റിങ്ങും നിര്‍വ്വഹിച്ചത്.  ഒരു മലയാളി യുവാവിന്റെ കേരളത്തിലേക്കുള്ള യാത്രയാണ് ചിത്രത്തിന്റെ കഥാപശ്ചാത്തലം. മുകേഷ്, ഇന്നസെന്റ്, വിനീത്‌,  ഇന്ദ്രന്‍സ്, അല്‍താഫ് സലിം, മോഹൻ അഗാഷേ, അഭിറാം രാധാകൃഷ്ണന്‍,  വിജി വെങ്കിടേഷ്, ധ്വനി രാജേഷ് എന്നിവരാണ് ചിത്രത്തിലെ മറ്റു പ്രധാന താരങ്ങള്‍.  മനു മഞ്ജിത്തിന്റെ വരികള്‍ക്ക് ജസ്റ്റിന് പ്രഭാകരനാണ് സംഗീതം നല്‍കിയിരിക്കുന്നത്. ഗൗതം ഭരദ്വാജും ചിന്മയിയും ചേര്‍ന്നാണ് ഗാനങ്ങള്‍ ആലപിച്ചിരിക്കുന്നത്. ശരണ്‍ വേലായുധന്‍ ഛായാഗ്രഹണം നിര്‍വ്വഹിച്ചിരിക്കുന്നു. ഫുള്‍ മൂണ്‍ എന്റര്‍ടെയ്ന്‍മെന്‍സിന്റെ ബാനറില്‍ സേതു മണ്ണാര്‍ക്കാടാണ് ചിത്രം നിര്‍മ്മിച്ചത്. കലാസംഘം ആണ് ചിത്രം വിതരണത്തിനെത്തിക്കുന്നത്. 2023 ഏപ്രില്‍ 28നാണ് ചിത്രം തിയേറ്ററുകളിലെത്തിയത്.