മമ്മൂട്ടിയ്ക്ക് വേണ്ടാത്ത പേര് മോഹന്‍ലാലിന് കൊടുത്തു, അലി ഇമ്രാന്‍ എങ്ങിനെ സേതുരാമയ്യരായി?

സിബിഐ ആക്കാം എന്ന് മമ്മൂട്ടിയുടെ അഭിപ്രായം

പൊലീസ് കഥാപാത്രത്തിന് പകരം നമുക്ക് സിബിഐ കഥാപാത്രത്തെ അവതരിപ്പിയ്ക്കാം എന്ന് മമ്മൂട്ടി എസ് എന്‍ സ്വാമിയോട് പറഞ്ഞു. കഥ എന്തായാലും കുറ്റാന്വോഷണം തന്നെയാണ്. അപ്പോള്‍ സിബിഐ എന്നതോ പോലീസ് എന്നതോ പ്രശ്‌നമല്ല. അങ്ങനെ കഥ എഴുത്ത് തുടങ്ങി. (മമ്മൂട്ടിയും എസ് എസ് എന്‍ സ്വാമിയും പുതിയ നിയമം എന്ന ചിത്രത്തില്‍ ഒന്നിച്ച് അഭിനയിച്ചപ്പോള്‍)

അലി ഇമ്രാന്‍ എന്ന പേര് താത്പര്യമില്ല എന്ന് മമ്മൂട്ടി

കെ മധുവും എസ് എന്‍ സ്വാമിയും കഥയുടെ ചര്‍ച്ചകളുമായി ഇരിക്കുമ്പോള്‍, വായിക്കാന്‍ മമ്മൂട്ടിയും എത്തി. പക്ഷെ അലി ഇമ്രാന്‍ എന്ന പേരിനോട് മമ്മൂട്ടിയ്ക്ക് ഒട്ടും യോജിപ്പുണ്ടായിരുന്നില്ല. ആക്രമണ ശൈലി ഇല്ലാത്ത, ബുദ്ധി ആയുധമാക്കുന്ന ഒരു സ്വാമിയുടെ പേര് മതി എന്ന് മമ്മൂട്ടി നിര്‍ദ്ദേശിച്ചു.

താത്പരമില്ലാതെ സ്വാമി മമ്മൂട്ടിയ്ക്ക് വഴങ്ങി

അലി ഇമ്രാന്‍ എന്ന പേര് മാറ്റുന്നതിനോട് എസ് എന്‍ സ്വാമിയ്ക്ക് ഒട്ടും താത്പര്യമുണ്ടായിരുന്നില്ല. സ്വാമി എന്നത് തണുപ്പന്‍ പേരല്ലേ എന്ന് ചോദിച്ചപ്പോള്‍ മമ്മൂട്ടി ദേഷ്യപ്പെട്ടു. അതോടെ മമ്മൂട്ടിയുടെ ആവശ്യത്തിന് വഴങ്ങി സേതുരാമയ്യര്‍ എന്ന കഥാപാത്രം സൃഷ്ടിക്കപ്പെട്ടു.

അലി ഇമ്രാന്‍ എന്ന പേര് മോഹന്‍ലാലിന് കൊടുത്തു

എന്നാല്‍ അലി ഇമ്രാന്‍ എന്ന പേര് മറന്നു കളയാന്‍ എസ് എന്‍ സ്വാമിയ്ക്ക് കഴിയുമായിരുന്നില്ല. അദ്ദേഹം മോഹന്‍ലാലിനെ നായകനാക്കി ഒരുക്കിയ അടുത്ത ചിത്രത്തില്‍ (മൂന്നാം മുറ) നായകന് അലി ഇമ്രാന്‍ എന്ന് പേരിട്ടു.