മമ്മൂട്ടിയുടെ നൂറാമത്തെ ബിരിയാണി; സുലു നല്‍കിയ പൊതിച്ചോറ് ലാല്‍ തട്ടിയെടുത്തതാണു തുടക്കം...

മമ്മുട്ടി സിനിമകളുടെ സെറ്റില്‍ ബിരിയാണി

മമ്മുട്ടി അഭിനയിക്കുന്ന സിനിമകളുടെ സെറ്റില്‍ ഒരു ദിവസം എല്ലാവര്‍ക്കും സൗജന്യമായി ബിരിയാണി നല്‍കുന്നതു പതിവാണ്. വളരെ വര്‍ഷങ്ങളായുളള പതിവാണിത്.

ബിരിയാണിയുടെ തുടക്കം ചെറിയ ചോറു പൊതിയില്‍ നിന്ന്

ഒരു ചെറിയ ചോറുപൊതിയില്‍ നിന്നാണ് ബിരിയാണിയുടെ തുടക്കമെന്ന് മമ്മൂട്ടി മുന്‍പ് മനോരമയ്ക്കു നല്‍കിയ അഭിമുഖത്തില്‍ വ്യക്തമാക്കിയിരുന്നു. താന്‍ ചോറ്റുപാത്രം കൊണ്ടുപോകാതെയായപ്പോഴാണ് ഉമ്മ ഇലപ്പൊതിയില്‍ ചോറു കൊടുത്തുവിടാന്‍ ആരംഭിച്ചത്.

വാഴയില വെട്ടി ചൂടാക്കി അതില്‍ ചോറും മീനും

വാഴയില വെട്ടി ചൂടാക്കി അതില്‍ ചോറും പോരിച്ച മീനും മുട്ടയുമൊക്കെ അടുക്കി വെച്ചാണ് ഉമ്മ കൊടുത്തുവിടാറുണ്ടായിരുന്നത്. സെറ്റില്‍ നിന്നും ഭക്ഷണം കഴിച്ചു മടുത്തപ്പോഴാണ് തനിക്കു പഴയ ആ പൊതിച്ചോറും കഴിക്കണമെന്നു തോന്നിയതെന്നു നടന്‍ പറയുന്നു

ഹരികൃഷ്ണന്‍സിന്റെ സെറ്റില്‍

ഹരികൃഷ്ണന്‍സിന്റെ ഷൂട്ടിങ് നടക്കുമ്പോഴാണ് ഭാര്യ സുലുവിനെ സോപ്പിട്ട് തനിക്ക് ഇലച്ചോറു കഴിക്കാന്‍ കൊതിയാവുന്നുവെന്ന്അറിയിച്ചത്.സുലു പൊതിഞ്ഞു തന്ന ചോറ് അന്ന് മോഹന്‍ലാല്‍ തട്ടിയെടുക്കുകയും ചെയ്തു. പിന്നീട് ചോറിന് ആവശ്യക്കാരുമേറി.

അതു ബിരിയാണിയായി മാറി

പിന്നീട് പൊതിച്ചോറിന്റെ എണ്ണം വര്‍ദ്ധിച്ചു. പിന്നീട് തനിക്കും ലാലിനും ഉള്‍പ്പെടെ അഞ്ചു പൊതിച്ചോറുകളായി. പിന്നെ അത് ഇരുപായി. മുപ്പതായി..പിന്നെ ചോറ് എന്നത് സെറ്റിലൊരുദിവസം എല്ലാവര്‍ക്കും ബിരിയാണിയാക്കി മാറ്റുകയായിരുന്നുവെന്നാണ് മമ്മൂട്ടി പറഞ്ഞത്

നൂറാമത്തെ ബിരിയാണി

മമ്മുട്ടിയുടെ നൂറാമത്തെ ബിരിയാണിയാണ് രഞ്്ജിത്ത് സംവിധാനം ചെയ്യുന്ന പുത്തന്‍പണത്തിന്റ സെറ്റില്‍ ഈയിടെ വിതരണം ചെയ്തത്. മട്ടന്‍ ബിരിയാണിയായിരുന്നു ഇത്തവണത്തെ സ്‌പെഷല്‍. കണ്ണൂര്‍ തളിപ്പറമ്പിലെ പാലസ് കിച്ചന്‍സ് കാറ്ററിങ് ഉടമ അബ്ദു മമ്മൂട്ടിയുടെ ക്ഷണ പ്രകാരം കോഴിക്കോട്ടെത്തിയാണ് ബിരിയാണി തയ്യാറാക്കിയത്. കോഴിക്കോട്ടെ ഹോട്ടല്‍ മഹാറാണിയിലായിരുന്നു പരിപാടി. നൂറ്റമ്പതോളം പേര്‍ക്കാണ് ബിരിയാണി വിളമ്പിയത്,