200 വിദ്യാർഥികൾ 5000 രൂപയുടെ കൂപ്പൺ!! കാലടി സർവകലാശാലയിലെ വിദ്യാർഥികൾക്ക് സഹായവുമായി ലാലേട്ടൻ

സഹായവുമായി താരങ്ങൾ

പ്രളയത്തിൽ അകപ്പെട്ട ജനങ്ങൾക്ക് കൈതാങ്ങായി സിനിമ താരങ്ങൾ കൂട തന്നെയുണ്ടായിരുന്നു. മലയാള സിനിമയിലെ താരങ്ങൾ മാത്രമല്ല, ഇന്ത്യൻ സിനിമാ താരങ്ങൾ മലയാളി ജനങ്ങൾക്ക് പിന്തുണയുമായി രംഗത്തെത്തിയിരുന്നു. പണമായും, വസ്ത്രമായും, ഭക്ഷണ സാമഗ്രികളായും നിരവധി സഹായങ്ങളുമായി ഇവർ ഒപ്പം തന്നെയുണ്ടായിരുന്നു. കൂടാതെ പുതിയ ജീവിതം പടുത്തുയർത്താൻ വേണ്ടി എല്ലാവിധ സഹായങ്ങളും ഇവർ നൽകിയിരുന്നു.

ലാലേട്ടനും വിശ്വശാന്തി ഫൗണ്ടേഷനും

ദുരിതബാധിതരായ ജനങ്ങൾക്ക് കൈ താങ്ങായി സൂപ്പർ താരം മോഹൻലാലും ആദ്യം മുതൽ തന്നെ കൂടെയുണ്ടായിരുന്നു. മാതാപിതാക്കാളുടെ പേരിൽ ആരംഭിച്ച സന്നദ്ധ സംഘടനയായ വിശ്വശാന്തി ഫൗണ്ടേഷൻ വഴിയാണ് ജനങ്ങൾക്ക് സഹായവുമായി ലാലേട്ടൻ എത്തിയത്. മൂന്ന് ഘട്ടമായിട്ടായിരുന്നു ജനങ്ങൾക്ക് സഹായം എത്തിച്ചത്.

2000 ത്തോളം കുടുംബങ്ങൾക്ക് സഹായം

വയനാട്ടിൽ നിന്നായിരുന്നു ദുരിതാശ്വാസ പ്രവർത്തനങ്ങൾ അരംഭിച്ചത്. വയനാട്ടിലെ ഉൾഗ്രമാങ്ങളിലുള്ള ദുരിതബാധിതർക് കൈ താങ്ങുമായി ലാലേട്ടനും വിശ്വശാന്തി ഫൗണ്ടേഷനും എത്തിയിരുന്നു. വയനാട്ടിലെ ഊരുകളിലുള്ള 2000ത്തോളം കുടുംബങ്ങൾക്കായിരുന്നു ആദ്യം സഹായം എത്തിച്ചത്. നല് ലോറിയിൽ ഏറെ 25 ടൺ സാധനസമാഗIDരികളായിരുന്നു വയനാട്ടിലെ ദുരിതബാധ്യതർക്കായി എത്തിച്ചിരുന്നത്.

വിദ്യാർഥികൾക്ക് സയം

പ്രളയത്തിൽ ദുരിതം അനുഭവിച്ച കാലടി സംസ്‌കൃത സർവ്വകലാശാലയിലെ വിദ്യാർഥിനികൾക്ക് മോഹൻലാലിന്റെ നേതൃത്വത്തിൽ ദുരിതാശ്വാസ സഹായം വിതരണം ചെയ്തു. 200 വിദ്യാർഥിനികൾക്ക് 5000 രൂപയുടെ വസ്ത്രങ്ങൾ വാങ്ങാനുള്ള കൂപ്പണുകളാണ് നൽകിയത്. വിശ്വശാന്തി ഫൗണ്ടേഷന്റെ മൂന്നാം ഘട്ട പ്രളയ സഹായ വിതരണത്തിന്റെ ഭാഗമായിട്ടായിരുന്നു ഇത്. ശീമാട്ടിയുമായി സഹകരിച്ചാണ് സഹായ വിതരണം. നടനും എപിയുമായ ഇന്നസെന്റും സർവകലാശാല വൈസ് ചാൻസലർ ഡോ. ധർമരാജ് അടാട്ട്, ബീന കണ്ണൻ എന്നിവർ ചടങ്ങിൽ പങ്കെടുത്തിരുന്നു.