അഭ്യൂഹങ്ങള്‍ക്ക് വിട... മോഹന്‍ലാലിന്റെ രണ്ടാമൂഴത്തില്‍ കര്‍ണനായി നാഗാര്‍ജുന! അപ്പോള്‍ മമ്മൂട്ടി?

കര്‍ണന്‍ നാഗാര്‍ജുന

അഭ്യൂഹങ്ങള്‍ അവസാനിപ്പിച്ച് കര്‍ണന്റെ കാര്യത്തില്‍ ഒരു തീരുമാനുമുണ്ടായിരിക്കുകയാണ്. തെലുങ്ക് താരം നാഗാര്‍ജുന കര്‍ണനാകും എന്നാണ് ഇപ്പോള്‍ പുറത്ത് വരുന്ന റിപ്പോര്‍ട്ട്. ഇക്കാര്യം നാഗാര്‍ജുന ദേശീയ മാധ്യമങ്ങള്‍ക്ക് നല്‍കിയ അഭിമുഖത്തില്‍ സ്ഥിരീകരിക്കുകയും ചെയ്തു.

മോഹന്‍ലാലും നാഗാര്‍ജുനയും ആദ്യം

കര്‍ണനായി അഭിനയിക്കാനുള്ള ക്ഷണം രണ്ടാമതൊന്ന് ആലോചിക്കാതെ സ്വീകരിക്കുകയായിരുന്നെന്ന് നാഗാര്‍ജുന പറഞ്ഞു. മോഹന്‍ലാലിനൊപ്പം നാഗാര്‍ജുന ആദ്യമായി ഒന്നിക്കുന്ന ചിത്രമെന്ന പ്രത്യേകതയും രണ്ടാമൂഴത്തിന് സ്വന്തമാകും.

2020ല്‍ തിയറ്ററിലേക്ക്

2018 സെപ്തംബറില്‍ ചിത്രീകരണം ആരംഭിക്കുമെന്ന് പ്രതീക്ഷിക്കുന്ന ചിത്രം 2020ല്‍ തിയറ്ററുകളിലേക്ക് എത്തും. രണ്ട് ഭാഗങ്ങളായിട്ടായിരിക്കും ചിത്രം റിലീസ് ചെയ്യുക. ആദ്യഭാഗം ഇറങ്ങി 100 ദിവസങ്ങള്‍ക്ക് ശേഷം രണ്ടാം ഭാഗം തിയറ്ററിലെത്തും.

മറ്റ് താരങ്ങള്‍

ചിത്രത്തിന്റെ പ്രാരംഭ ചര്‍ച്ചകളിലും പ്രഖ്യാപന വേളയിലും ഭീമനായി മോഹന്‍ലാല്‍ എന്ന് മാത്രമേ പ്രഖ്യാപിച്ചിരുന്നൊള്ളു. ഇപ്പോള്‍ കര്‍ണന്റെ കാര്യത്തില്‍ തീരമാനമായെങ്കിലും മറ്റ് താരങ്ങള്‍ ആരൊക്കെയാണെന്ന കാര്യത്തില്‍ ഇനിയും തീരുമാനായിട്ടില്ല.

എംടി ചോദിച്ചിരുന്നു

രണ്ടാമൂഴത്തില്‍ കര്‍ണനാകാന്‍ സാധിക്കുമോ എന്ന് തന്നോട് എംടി ചോദിച്ചിരുന്നതായി നാഗാര്‍ജുന നേരത്തെ വെളിപ്പെടുത്തിയിരുന്നു. തന്റെ കഥാപാത്രത്തിന് പ്രാധാന്യമുണ്ടെങ്കില്‍ മാത്രമേ അഭിനയിക്കു എന്നായിരുന്നു അന്ന് നാഗാര്‍ജുന സ്വീകരിച്ച നിലപാട്.

ചെലവേറിയ ചിത്രം

രാജ്യത്തെ ഏറ്റവും ചെലവേറിയ ഈ ചിത്രം നിര്‍മിക്കുന്ന വിദേശ വ്യവസായിയായ ബിആര്‍ ഷെട്ടിയാണ്. 1000 കോടി ബജറ്റിലുള്ള ചിത്രം സംവിധാനം ചെയ്യുന്നത് പരസ്യ ചിത്ര സംവിധാനയകനായ ശ്രീകുമാര്‍ മേനോനാണ്. ഇദ്ദേഹം സംവിധാനം ചെയ്യുന്ന മോഹന്‍ലാല്‍ ചിത്രം ഒടിയന്റെ ചിത്രീകരണം കാശിയില്‍ പുരോഗമിക്കുകയാണ്.