മമ്മൂട്ടി ബെല്‍റ്റില്‍ പിടിച്ചതില്‍ എന്താണ് തെറ്റ്; വിവാദ രംഗത്ത് അഭിനയിച്ച നടി തന്നെ ചോദിക്കുന്നു

യഥാര്‍ത്ഥ ജീവിതത്തിലും

അത്തരം സംഭവങ്ങളും സന്ദര്‍ഭങ്ങളും യഥാര്‍ത്ഥ ജീവിത്തിലും വളരെ സാധാരണമാണെന്ന് ജ്യോതി ഷാ പറയുന്നു. അതിന്റെ പേരില്‍ ഇത്തരം വിവാദങ്ങളൊന്നും ഉണ്ടാക്കേണ്ട ആവശ്യമില്ല എന്നും നടി പറഞ്ഞു.

നല്ലത് മാത്രമാണോ സിനിമ?

സിനിമയിലെ പ്രതിനായക കഥാപാത്രങ്ങള്‍ ഇതിലും മോശമായ രംഗങ്ങളില്‍ അഭിനയിക്കുന്നില്ലേ. എത്ര പേര്‍ ഇത്തരം അവസ്ഥകളെ നേരിട്ട് അഭിമുഖീകരിച്ചിട്ടുണ്ട്. സിനിമയില്‍ സമൂഹത്തിലെ നല്ലത് മാത്രമാണോ കാണിക്കുന്നത്??

ആ കഥാപാത്രം

കസബയില്‍ ഞാന്‍ അവതരിപ്പിച്ച കഥാപാത്രം അത്തരമൊരു സ്ത്രീ ആയിരുന്നു. കഥയും കഥാപാത്രവും ഉള്‍ക്കൊണ്ടു കഴിഞ്ഞാല്‍ ആ രംഗത്ത് ഒരു പ്രശ്‌നവും ഉള്ളതായി ആര്‍ക്കും തോന്നില്ല.

ഒരു അസ്വസ്ഥതയും ഉണ്ടായില്ല

ആ രംഗത്ത് അഭിനയിക്കുമ്പോള്‍ ഒരു തരത്തിലുള്ള അസ്വസ്ഥതയും എനിക്ക് അനുഭവപ്പെട്ടിട്ടില്ല. ഒരു കഥാപാത്രത്തെ അവതരിപ്പിക്കുന്നത് കൊണ്ട് ഒരു തരത്തിലും അവ നമ്മുടെ വ്യക്തി ജീവിതത്തെ ബാധിക്കുന്നില്ല.

അഭിനേതാവിന്റെ ഉത്തരവാദിത്വം

ഒരു കഥാപാത്രം, കഥ കേട്ട് ഇഷ്ടപ്പെട്ട് ഏറ്റെടുത്ത് കഴിഞ്ഞാല്‍ പിന്നെ സംവിധായകന്റെ ആഗ്രഹപ്രകാരം, അദ്ദേഹത്തിന് വേണ്ട രീതിയില്‍ നല്‍കുക എന്നത് അഭിനേതാവിന്റെ ഉത്തരവാദിത്വമാണ്.

ബോളിവുഡിലുണ്ടല്ലോ

ഇത്തരം രംഗങ്ങള്‍ മലയാളത്തില്‍ ഒരു കസബയില്‍ മാത്രം സംഭവിയ്ക്കുന്നതല്ല. ബോളിവുഡിലൊക്കെ സര്‍വ്വസാധാരണമാണ്. അത്തരം രംഗങ്ങള്‍ നിങ്ങള്‍ കാണാറില്ലേ- ജ്യോതി ഷാ ചോദിക്കുന്നു.