Click it and Unblock the Notifications
പാവം ഷംനയെന്തു പിഴച്ചു?
പ്രതിഫലം കുറവായിരുന്നിട്ടും ആവോളം ഗ്ലാമര് പ്രദര്ശിപ്പിക്കേണ്ടിയിരുന്ന വേഷമായിട്ടും ഷംന തീരുമാനത്തിലുറച്ചു നിന്നു. ഗ്ലാമര് രംഗങ്ങളില് സംവിധായകന് മനസ്സില് കണ്ടതിനേക്കാള് നന്നായി ഷംന അഭിനയിച്ചു. എന്നാല് സിനിമ പ്രേക്ഷകര്ക്ക് അത്ര കണ്ട് ബോധിച്ചില്ല. ഇപ്പോഴിതാ കുറ്റം മുഴുവന് ഷംനയുടേതാണെന്നാണ് ചിലരുടെ കണ്ടുപിടുത്തം. പഴയ ചട്ടക്കാരിയില് ലക്ഷ്മി അവതരിപ്പിച്ച റോളില് ഷംനയെ കാസ്റ്റ് ചെയ്തതാണത്രേ പാളിപ്പോയത്.
ചട്ടക്കാരിയുടെ റീമേക്ക് വരുന്നുവെന്ന വാര്ത്ത വന്നതു മുതല് ചിത്രത്തിലേയ്ക്ക് നായികയെ തേടി നടക്കുകയായിരുന്നു സംവിധായകന്. പല നടിമാരേയും സമീപിച്ചെങ്കിലും അവരൊന്നും ചട്ടക്കാരിയെ സ്വീകരിക്കാന് ഒരുക്കമായിരുന്നില്ല. ഒടുവില് പലരും തള്ളിക്കളഞ്ഞ വേഷം ഷംനയേറ്റെടുക്കുകയായിരുന്നു. ചിത്രം ശ്രദ്ധിക്കപ്പെടാതെ പോയെങ്കില് അതിന് പല കാരണങ്ങള് ഉണ്ടാവും. പാവം നായികയെ മാത്രം കുറ്റപ്പെടുത്തിയിട്ട് എന്തു കാര്യം എന്ന് ചോദിക്കുന്നവരും സിനിമാലോകത്ത് കുറവല്ല.
Continue with Google