സൂര്യയ്ക്ക് അസുഖം സ്ഥിരീകരിച്ചു, ചികിത്സയിലാണ്, ഭയത്തിന് നമ്മളെ തളര്‍ത്താനാവില്ലെന്ന് നടന്‍

ട്വീറ്റ്

എനിക്ക് കോവിഡ് സ്ഥിരീകരിച്ചു. ചികിത്സയില്‍ കഴിയുകയാണ്. ജീവിതം ഇതുവരെയും സാധാരണ നിലയിൽ ആയിട്ടില്ല എന്ന കാര്യം മറക്കരുത്. ഭയത്തിന് നമ്മളെ തളർത്താനാകില്ല. അതിനൊപ്പം തന്നെ സുരക്ഷയും, ശ്രദ്ധയും അനിവാര്യമാണ്. നമുക്ക് പിന്തുണ നൽകുന്ന ഡോക്ടർമാർക്ക് നന്ദിയും സ്നേഹവുമെന്നായിരുന്നു സൂര്യ കുറിച്ചത്. തമിഴിലായിരുന്നു ട്വീറ്റ്. ക്ഷണനേരം കൊണ്ടായിരുന്നു ട്വീറ്റ് വൈറലായി മാറിയത്.

അസുഖം

പാണ്ടിരാജിനൊപ്പമുള്ള സിനിമയില്‍ അഭിനയിക്കാനായുള്ള തയ്യാറെടുപ്പിലായിരുന്നു സൂര്യ. അതിനിടയിലായിരുന്നു താരത്തിന് അസുഖം സ്ഥിരീകരിച്ചത്. ഇതേത്തുടര്‍ന്ന് ചിത്രീകരണം നീട്ടിവെക്കുകയായിരുന്നു. സൂര്യ ആരോഗ്യവാനായി തിരിച്ചെത്തുന്നതിനായി സിനിമാപ്രവര്‍ത്തകര്‍ മാത്രമല്ല ആരാധകരും കാത്തിരിക്കുകയാണ്.

നവരസ

ആന്ത്രോളജി വിഭാഗത്തിലുള്ള നവരസയിലായിരുന്നു താരം ഒടുവിലായി അഭിനയിച്ചത്. ഗൗതം മേനോന്‍ സംവിധാനം ചെയ്യുന്ന ഭാഗത്തിലായിരുന്നു സൂര്യ വേഷമിട്ടത്. പ്രയാഗ മാര്‍ട്ടിനായിരുന്നു നായികയായെത്തിയത്. 9 സംവിധായകരുടെ കഥകളുമായാണ് നവരസ എത്തുന്നത്.

സഹതാരങ്ങളും

ആരാധകര്‍ മാത്രമല്ല സഹതാരങ്ങളും സൂര്യയുടെ ആരോഗ്യത്തെക്കുറിച്ച് ചോദിച്ചെത്തിയിട്ടുണ്ട്. ധനുഷ് , ജയം രവി, ഖുശ്ബു, ശന്തനു, തുടങ്ങിയവരെല്ലാം സൂര്യയുടെ ട്വീറ്റിന് കീഴില്‍ കമന്റുമായെത്തിയിരുന്നു. പെട്ടെന്ന് തന്നെ സുഖം പ്രാപിക്കട്ടെയെന്നായിരുന്നു എല്ലാവരും കുറിച്ചത്. താരങ്ങളുടെ കമന്‍റുകളെല്ലാം സൂര്യയുടെ ആരാധകരും ശ്രദ്ധിച്ചിരുന്നു.