താരമൂല്യത്തിന്റെ കൊടുമുടിയില്‍ നില്‍ക്കുമ്പോള്‍ ഇതു വേണമായിരുന്നോ ലാലേട്ടാ?

ഇതു വേണമായിരുന്നോ ലാലേട്ടാ?

മോഹന്‍ലാല്‍ എന്ന അതുല്യ പ്രതിഭയെക്കുറിച്ചുള്ള കാര്യങ്ങള്‍ എല്ലാവര്‍ക്കും അറിയാവുന്നതാണ്. അതിനിടയില്‍ ഇത്തരത്തിലൊരു പ്രഹസന പരിപാടി വേണമായിരുന്നോയെന്നാണ് പ്രേക്ഷകര്‍ ചോദിക്കുന്നത്.

പുകഴ്ത്തി പറയുന്നു

മോഹന്‍ലാലിനെ വേദിയിലിരുത്തി മറ്റ് താരങ്ങളും സംവിധായകരും താരത്തെക്കുറിച്ച് പുകഴ്ത്തി പറയുന്നു. ഇത്തരത്തില്‍ മറ്റുള്ളവരെക്കൊണ്ട് പറയിപ്പിക്കണ്ട ആവശ്യമുണ്ടോയെന്നാണ് ആരാധകര്‍ ചോദിക്കുന്നത്.

വേണ്ടിയിരുന്നില്ല

താരമൂല്യത്തിന്റെ കൊടുമുടിയില്‍ നില്‍ക്കുന്നതിനിടയില്‍ സഹപ്രവര്‍ത്തകരെക്കൊണ്ട് പുകഴ്ത്തി പറയിപ്പിക്കുന്ന തരത്തിലുള്ള പരിപാടിയുമായി സഹകരിച്ചത് തന്നെ തെറ്റാണെന്നും ആരാധകര്‍ ചൂണ്ടിക്കാണിക്കുന്നു.

റേറ്റിങ്ങ് കൂട്ടാനുള്ള തന്ത്രം

റേറ്റിങ്ങില്‍ ഏറെ പിന്നില്‍ നില്‍ക്കുന്ന ചാനലിനന്റെ കോപ്രായത്തിനൊത്ത് തുള്ളാന്‍ നിന്നു കൊടുക്കരുതെന്നും ആരാധകര്‍ പറയുന്നു. താരമൂല്യം സ്വയം താഴ്ത്തിക്കെട്ടുന്നതിന് തുല്യമാണ് ഇത്തരത്തിലുള്ള പ്രവര്‍ത്തികളെന്നും ആരാധകര്‍ വിലയിരുത്തുന്നു.

ഇത്തരം പരിപാടികളോടുള്ള സമീപനം

പൊതുവെ ഇത്തരത്തിലുള്ള പരിപാടികളോട് പ്രേക്ഷകര്‍ക്ക് വലിയ താല്‍പര്യമില്ലെന്ന് ഇതിനോടകം തന്നെ വ്യക്തമായതാണ്. ലാലിസം പരിപാടിയോടുള്ള സമീപനമൊക്കെ ഉദാഹരണമാണ്.