ജീവിതത്തിലെ പ്രകാശം പൊടുന്നനെ കെട്ടുപോയ പോലെയായി, വീണ്ടും വിവാഹം കഴിച്ചതിനെ കുറിച്ച് മങ്ക മഹേഷ്

ആലപ്പുഴ സ്വദേശിയായ നടി വിവാഹ ശേഷം ഭർത്താവ് മഹേഷിന്റ നാടായ തിരുവനന്തപുരത്തേയ്ക്ക് പോകുകയായിരുന്നു. വിവാഹ ശേഷം ഒന്നിച്ച് നാടകങ്ങളിൽ അഭിനയിച്ചു. മകൾ ഉണ്ടായ ശേഷമാണ് കലാജീവിതത്തിൽ ആദ്യത്തെ ബ്രേക്ക് എടുക്കുന്നത്. പിന്നീട് അവൾ വലുതായതിന് ശേഷം വീണ്ടും മടങ്ങി എത്തുകയായിരുന്നെന്നും മങ്ക മഹേഷ് പറയുന്നു .

ദൂരദർശനിലെ പരമ്പരകളിലൂടെയാണ് മടങ്ങി വരവ്. ഇതിന് പിന്നാലെ സിനിമയിലും ചാൻസ് ലഭിക്കുകയായിരുന്നു. 1997 ൽ പുറത്തിറങ്ങിയ മന്ത്രമോതിരമാണ് ആദ്യത്തെ സിനിമ. പിന്നീട് പഞ്ചാബിഹൗസ് ചെയ്തു.അതിലെ ദിലീപിന്റെ അമ്മവേഷത്തിനു ശേഷം തുടരെ അമ്മവേഷങ്ങൾ തേടിയെത്തി. പിന്നീട് ആ വർഷം തന്നെ എംടി-ഹരിഹരൻ ടീമിന്റെ 'എന്ന് സ്വന്തം ജാനകിക്കുട്ടി'യിൽ അവസരം ലഭിച്ചു. കരിയറിലെ ഏറ്റവും വലിയ അംഗീകാരങ്ങളിൽ ഒന്നായിട്ടാണ് ഇതിനെ കാണുന്നത്- നടി അഭിമുഖത്തിൽ പറയുന്നു.

അങ്ങനെ മൂന്ന് , നാല് വർഷങ്ങൾ കടന്നു പോയി. അഭിനയ ജീവിതവും കുടുംബ ജീവിതവും സുഗമമായി പോകുന്നതിനിടക്കാണ് മഹേഷിന്റെ അപ്രതീക്ഷിത വിയോഗം. അതോടെ ജീവിതത്തിലെ പ്രകാശം പൊടുന്നനെ കെട്ടു പോകുന്നത് പോലെയായി. പിന്നീട് തിരുവനന്തപുരത്ത് നിന്ന് ആലപ്പുഴയിലേയ്ക്ക് തിരികെ വരുകയായിരുന്നു. മകൾ കുടുംബവുമൊത്ത് വിദേശത്തായതോടെ ജീവിതത്തിൽ ഒറ്റപ്പെടൽ അനുഭവിക്കാൻ തുടങ്ങിഅങ്ങനെ ഞാൻ വീണ്ടും ഒരു ജീവിതപങ്കാളിയെ കണ്ടുപിടിച്ചു. ഇപ്പോൾ അദ്ദേഹത്തിനൊപ്പം ആലപ്പുഴയിലെ വീട്ടിലാണ് താമസം.

Recommended Video

Pooja Jayaram Interview | FilmiBeat Malayalam

സിനിമയിൽ ചാൻസ് ലഭിച്ചതിനെ തുടർന്ന് സീരിയലുകൾക്ക് ബ്രേക്ക് നൽകുകയായിരുന്നു. പക്ഷെ ലോക്ക് ഡൗൺ ആയതോടെ സിനിമ ചിത്രീകരണം ഇല്ലാതെ വീട്ടിലിരിക്കേണ്ടി വന്നു. ഇപ്പോൾ സിനിമയ്ക്കൊപ്പം മിനി സ്ക്രീനിലും സജീവമാണ് നടി പറഞ്ഞു,. നിലവിൽ സീ കേരളം സംപ്രേക്ഷണം ചെയ്യുന്ന നീയും ഞാനും എന്ന പരമ്പരയിലാണ് മങ്ക മഹേഷ് നിലവിൽ അഭിനയിക്കുന്നത്. മികച്ച പ്രേക്ഷക സ്വീകാര്യതയുള്ള പരമ്പരയാണിത് .