Click it and Unblock the Notifications
മുന്നാഭായി അമേരിക്കയിലേക്ക്
മുന്നാഭായി എംബിബിഎസിനും (2003) ലഗേ രഹോ മുന്നാഭായിക്കും (2006) ശേഷം 'മുന്നാഭായി ചലേ അമേരിക്ക' എന്ന മൂന്നാംഭാഗത്തിന്റെ തിരക്കഥ തയ്യാറായി വരുന്ന കാര്യം സംവിധായകന് രാജ്കുമാര് ഹിറാനിയാണ് വെളിപ്പെടുത്തിയിരിക്കുന്നത്. ഹിറാനി അടുത്തിടെ യുഎസ് സന്ദര്ശിച്ചത് മുന്നാഭായിയുടെ കടലാസ് ജോലികള്ക്ക് വേണ്ടിയായിരുന്നു.
മുന്നാഭായിയുടെ മൂന്നാഭാഗം നേരത്തെ തന്നെ വാര്ത്തകളിലുണ്ടായിരുന്നു. എന്നാല് ഷാരൂഖിന്റെ മൈ നെയിം ഈസ് ഖാന് വന്നതോടെ ആ സിനിമയുമായി സാമ്യമുണ്ടാകുമെന്ന് കരുതി ഹിറാനി മുന്നാഭായിയുടെ ജോലികള് മരിവിപ്പിയ്ക്കുകയായിരുന്നു.
അടുത്ത ഫെബ്രുവരിയില് ആരംഭിയ്ക്കുന്ന മൂന്നാംഭാഗത്തില് സഞ്ജയ്ദത്ത് അവതരിപ്പിക്കുന്ന മുന്നാഭായിയും സന്തതസഹചാരിയായ സര്ക്യൂട്ടും (അര്ഷാദ് വാര്സി) അമേരിക്കയില് എത്തുന്നതാണ് ചിത്രത്തിന്റെ പ്രമേയം.
മുന്നാഭായി എംബിബിഎസ് വസൂല്രാജ എന്ന പേരില് കമല്ഹാസന് റീമേക്ക് ചെയ്തിരുന്നു. രണ്ടാംഭാഗത്തില് ഗാന്ധിഭക്തനായി മാറിയ മുന്നാഭായി ബോളിവുഡ് ബോക്സ്ഓഫീസില് വന്വിജയം കൊയ്തിരുന്നു.
Continue with Google