»   » താക്കറെയുടെ ഭീഷണി ഐശ്വര്യ വകവച്ചില്ല

താക്കറെയുടെ ഭീഷണി ഐശ്വര്യ വകവച്ചില്ല

Posted By:
Subscribe to Filmibeat Malayalam
Aishwarya Rai
ശിവസേന നേതാവ് ബാല്‍ താക്കറെ പലപ്രമുഖര്‍ക്കുനേരെയും വാളെടുത്തിട്ടുണ്ട്. ചിലരെല്ലാം താക്കറെയുടെ വാക്കുകള്‍ വിലയ്‌ക്കെടുക്കാറുമുണ്ട്. എന്നാല്‍ നടി ഐശ്വര്യ റായിയ്‌ക്കെതിരെ താക്കറെയുടെ വിരട്ടലൊന്നും വിലപ്പോകില്ലെന്ന് ഇപ്പോള്‍ വ്യക്തമായി.

കാര്യമെന്തെന്നല്ലേ താക്കറെയുടെ മുന്നറിയിപ്പ് അവഗണിച്ച് ഐശ്വര്യ ലോക കന്നഡ സമ്മേളനത്തില്‍ പങ്കെടുത്തു. ലോക കന്നഡ സമ്മേളനം മറാത്തികള്‍ക്ക് എതിരാണെന്നും ഐശ്വര്യ അതില്‍ പങ്കെടുക്കരുതെന്നുമായിരുന്നു താക്കറെ ശിവസേനയുടെ മുഖപത്മായ സാമ്‌നയിലൂടെ ആവശ്യപ്പെട്ടത്.

ഇതിനെതിരെ വിവിധ കന്നഡ സംഘടനകള്‍ രംഗത്ത് എത്തിയിരുന്നു. താക്കറെ സ്വന്തം കാര്യം നോക്കിയാല്‍ മതി എന്നും മഹാരാഷ്ട്രയില്‍ കഴിയുന്ന മറാത്തികള്‍ അല്ലാത്തവരുടെ കാര്യത്തില്‍ ഇടപെടരുത് എന്നുമാണ് സംഘടനകള്‍ പറഞ്ഞത്.

ആരെന്തുപറഞ്ഞാലും കന്നഡ സമ്മേളനത്തില്‍ പങ്കെടുക്കുമെന്ന നിലപാടിലായിരുന്നു ഐശ്വര്യ. ഇതിനായി വെള്ളിയാഴ്ച വൈകുന്നേരം പ്രത്യേക വിമാനത്തില്‍ സുന്ദരി ബെല്‍ഗാമിലെ സാമ്പ്ര വിമാത്താവളത്തില്‍ എത്തിയത്.

താക്കറെയുടെ താക്കീതിന് ശേഷം ബച്ചന്‍ കുടുംബത്തിന്റെ മരുമകളായ ഐശ്വര്യയ്ക്ക് ഏറ്റവും കൂടുതല്‍ പിന്തുണനല്‍കിയത് ഐശ്വര്യയുടെ ജന്മാനാടായ മംഗലാപുരം ആസ്ഥാനമായുള്ള ജയ് കര്‍ണാടക എന്ന സംഘടനയാണ്. എന്തായാലൂം കന്നഡക്കാരിയാണെന്ന അടിസ്ഥാനകാര്യം ഐശ്വര്യ മറന്നില്ലല്ലോയെന്ന സന്തോഷത്തിലാണ് കര്‍ണാടത്തിലെ ആരാധകര്‍.

English summary
Avoid the threat of Shiv Sena supremo Bal Thackeray, actress Aishwarya Rai Bachchan attended the inaugural programme of the World Kannada Meet in Belgaum on Friday.She arrived in a special aircraft at Sambra airport on Friday evening and left for the K L E Society Guest house from where she went to the district stadium, the main venue of the programme
Please Wait while comments are loading...

Malayalam Photos

Go to : More Photos

വിനോദലോകത്തെ ഏറ്റവും പുതിയ വിശേഷങ്ങളുമായി - Filmibeat Malayalam